ప్రస్తుతం డేటింగ్లో ఉన్న హీరోయిన్ నయనతార- దర్శకుడు విఘ్నేశ్ శివన్లకు కరోనా సోకిందని సోషల్ మీడియాలో వార్తలు తెగ చక్కర్లు కొడుతున్నాయి. వీటిని చూసిన అభిమానులు షాకయ్యారు. ఆ తర్వాత అసలు నిజం తెలిసి ఊపిరి పీల్చుకున్నారు.
అవన్నీ పుకార్లే
అయితే కరోనా వచ్చిన విషయం వదంతేనని వారి సన్నిహితులు కొట్టిపారేశారు. ఇలాంటి తప్పుడు వార్తలను ప్రచారం చేయొద్దని సూచించారు. ఇంటికే పరిమితమైన వీరిద్దరూ బాగానే ఉన్నట్లు స్పష్టం చేశారు.
2015లో వచ్చిన 'నేనూ రౌడీనే' సినిమా కోసం దర్శకుడు విఘ్నేశ్‌తో కలిసి నయన్ పనిచేసింది. ఆ సమయంలోనే వీరిద్దరి మధ్య ఏర్పడిన పరిచయం, ప్రేమగా మారింది. ఆ తర్వాత నుంచి ఈ జంట, కలిసి దిగిన ఫొటోలను సోషల్ మీడియాలో పోస్ట్ చేస్తూ ఉంటుంది. ప్రస్తుతం నయన్.. 'నెట్రికారన్‌', 'కాతువక్కుల రెండు కాదల్‌', 'ముక్తి అమ్మన్‌' చిత్రాల్లో నటిస్తోంది.
ఇది చూడండి : త్వరలోనే గుడిలో నయనతార పెళ్లి!
