వైవిధ్యభరిత కథలతో ప్రేక్షకుల్ని మెప్పించే టాలీవుడ్ హీరోల్లో నాని ముందు వరసలో ఉంటాడు. వరుసగా చిత్రాలు చేస్తూ ప్రేక్షకుల్ని అలరించే నేచురల్ స్టార్.. ఈ ఏడాది మాత్రం వెంటనే వెంటనే అభిమానుల ముందుకు రానున్నాడు. మూడు నెలల వ్యత్యాసంలో రెండు చిత్రాలను థియేటర్లలోకి తీసుకొస్తున్నాడు. అవే 'వి', 'టక్ జగదీష్'.
'వి' సినిమాలో ప్రతినాయక లక్షణాలున్న పాత్రలో కనిపించనున్నాడు నాని. సుధీర్బాబు, నివేదా థామస్, అతిదీరావు హైదరీ ఇతర పాత్రలు పోషిస్తున్నారు. ఇప్పటికే చిత్రీకరణ పూర్తి చేసుకున్న ఈ చిత్రం.. ఉగాది కానుకగా మార్చి 25న ప్రేక్షకుల ముందుకు రానుంది.
'టక్ జగదీష్' పేరుతో రూపొంతున్న మరో చిత్రంలో నాని హీరోగా నటిస్తున్నాడు. 'నిన్ను కోరి'తో ఆకట్టుకున్న శివ నిర్వాణ దర్శకుడు. ఈనెల 11 నుంచి రెగ్యులర్‌ చిత్రీకరణ మొదలు కానుంది. జులై 3న థియేటర్లలోకి తీసుకురానున్నారు. ఇలా మూడు నెలల వ్యత్యాసంతో ప్రేక్షకులను అలరించనున్నాడు నాని.
ఇదీ చదవండి: పవన్.. చిరు.. ప్రభాస్.. కొత్త సినిమా టైటిల్స్ ఇవేనా?
