'కేజీఎఫ్ 2' సినిమాలో నందమూరి బాలకృష్ణ నటిస్తున్నారా? అదేంటి హీరో యష్ కదా బాలయ్య ఇందులో ఉన్నారా అని అభిమానులు ఆశ్చర్యపోతున్నారు. విషయం ఏంటని తెగ మాట్లాడేసుకుంటున్నారు. ప్రస్తుతం ఈ విషయం సోషల్ మీడియాలో చర్చనీయాంశమైంది.
ఇంతకీ ఏం జరిగింది?
'కేజీఎఫ్ 2' సినిమా క్యాస్ట్ అని గూగుల్లో సెర్చ్ చేస్తే యష్, సంజయ్ దత్, ప్రకాశ్ రాజ్ తదితరుల పేర్లతో పాటు బాలయ్య పేరు కూడా ఉంది. ఇనాయత్ ఖలీ పాత్రలో ఆయన నటిస్తున్నారని గూగుల్ చూపిస్తోంది. దీనిని చూసిన పలువురు నెటిజన్లు.. సోషల్ మీడియాలో పంచుకోవడం వల్ల అది వైరల్ అయింది.
భారీ బడ్జెట్తో పాన్ ఇండియా కథతో 'కేజీఎఫ్ 2' చిత్రాన్ని తీస్తున్నారు. జనవరి 8న యష్ పుట్టినరోజు కానుకగా టీజర్ను విడుదల చేయనున్నారు. వేసవికి థియేటర్లలో సినిమాను రిలీజ్ చేసే అవకాశముంది.
