కథానాయకుడు నాగార్జున ప్రస్తుతం 'వైల్డ్ డాగ్' చిత్రంతో బిజీగా ఉన్నాడు. సాల్మన్‌ దర్శకుడు. ఇందులో నాగ్ ఎన్ కౌంటర్ స్పెషలిస్టుగా నటిస్తున్నాడు. పూర్తి యాక్షన్‌ భరిత చిత్రమిది. మ్యాట్నీ ఎంటర్‌టైన్‌మెంట్స్‌ సంస్థ నిర్మిస్తున్న ఈ సినిమాలో నాగ్ లుక్‌ చాలా కొత్తగా, ఆసక్తిగా ఉంది. ఇప్పటికే విడుదలైన ఫస్ట్‌లుక్‌ సినిమాపై అంచనాలు పెంచుతోంది.
తాజాగా మరో క్రేజీ పాత్రలో నటించేందుకు నాగ్ సిద్ధమవుతున్నాడని సినీ వర్గాల్లో వినిపిస్తోంది. అదేంటంటే? 'గరుడ వేగ' చిత్ర దర్శకుడు ప్రవీణ్‌ సత్తారు నాగ్‌తో ఓ చిత్రం తెరకెక్కించే ప్రయత్నంలో ఉన్నాడట. ఇప్పటికే నాగ్‌కు కథ చెప్పాడని తెలుస్తోంది. ఈ ప్రాజెక్టులో ఆదాయపన్ను శాఖ అధికారి పాత్రలో ఈ అక్కినేని హీరో నటించనున్నాడని టాక్‌. త్వరలోనే అధికారిక ప్రకటన రాబోతుందని సమాచారం.
ఇవీ చూడండి.. దర్శకుడిగా మారనున్న 'పహిల్వాన్'
