టాలీవుడ్లో మరో ప్రేమకథతో రాబోతున్నాడట నాగచైతన్య. తొలిసారి రష్మిక మందణ్నతో కలిసి తెరపై సందడి చేయనున్నట్లు సమాచారం. దిల్రాజు నిర్మాణంలోని ఈ సినిమాకు 'అదే నువ్వు అదే నేను' టైటిల్ ఖరారు చేసినట్లు వార్తలు వస్తున్నాయి. తాజాగా ఓ ప్రముఖ మీడియా సంస్థ ఈ సినిమా శాటిలైట్ హక్కులు సొంతం చేసుకున్నట్లు ట్వీట్ చేసింది.
ఈ లవ్స్టోరీని యువ దర్శకుడు శశి తెరకెక్కించనున్నాడని... ఇప్పటికే కథ సిద్ధమైనా వీరిద్దరూ వేరే చిత్రాల్లో బిజీగా ఉండటం వల్ల చిత్రీకరణ ప్రారంభంకాలేదని సినీవర్గాలు అనుకుంటున్నాయి. అయితే వీటిపై దర్శకనిర్మాతలు అధికారికంగా ప్రకటన ఇవ్వాల్సి ఉంది. గతేడాది అక్టోబర్లో ఇదే టైటిల్తో సినిమాకు దిల్రాజు పూజాకార్యక్రమం చేశారు. అప్పుడు హీరోయిన్ నభా నటేష్ హాజరైంది.
ప్రస్తుతం విక్టరీ వెంకటేశ్తో 'వెంకీమామ'’లో నటిస్తున్నాడు చైతన్య. దసరా కానుకగా ప్రేక్షకుల ముందుకు రానుందీ చిత్రం. శేఖర్ కమ్ముల దర్శకత్వంలో మరో సినిమా చేస్తున్నాడీ హీరో. ప్రిన్స్ మహేష్‌తో 'సరిలేరు నీకెవ్వరు', నితిన్తో 'భీష్మ'లో నటిస్తోంది రష్మిక
ఇదీ చూడండి: ఈ సారి ఏ సినిమా రీమేక్ చేస్తున్నారో..?
