పవన్​ చిత్రానికి దేవీశ్రీ​ భారీ రెమ్యునరేషన్!

పవర్​స్టార్​ పవన్​కల్యాణ్​ - హరీశ్​ శంకర్​ కాంబినేషన్​లో ఓ చిత్రం తెరకెక్కనుంది. ఈ సినిమాకు సంగీత దర్శకుడిగా దేవీశ్రీప్రసాద్​ను ఎంపిక చేశారు. దీని కోసం దేవీ భారీ రెమ్యునరేషన్​ అందుకుంటున్నారట.

టాలీవుడ్​ టాప్​ సంగీత దర్శకుల్లో దేవీశ్రీప్రసాద్​ ఒకరు. అనేక భారీ బడ్జెట్​ చిత్రాలకు బాణీలను అందించిన ఘనత ఆయన సొంతం. స్టార్​ హీరోల వరుస సినిమాలకు సంగీతాన్ని అందించారు. పవర్​స్టార్​ పవన్​కల్యాణ్​ - దేవీశ్రీప్రసాద్​ కాంబినేషన్​లో అనేక హిట్ ఆల్బమ్స్​ ఉన్నాయి. 'జల్సా', 'గబ్బర్​ సింగ్'​, 'అత్తారింటికి దారేది' పాటలు సూపర్​హిట్​లుగా నిలిచాయి.

ప్రస్తుతం పవర్​స్టార్​ పవన్​కల్యాణ్​ - దర్శకుడు హరీశ్​ శంకర్​ కాంబినేషన్​లో ఓ సినిమా తెరకెక్కనుంది. ఈ చిత్రానికి సంగీత దర్శకుడిగా దేవీశ్రీప్రసాద్​ను ఎంపిక చేశారు. దీని కోసం దేవీ ఏకంగా రూ.2 కోట్ల రెమ్యునరేషన్​ తీసుకుంటున్నట్లు టాలీవుడ్​ వర్గాలు అంటున్నాయి. దేవీ గతంలో కోటిన్నర రూపాయల రెమ్యునరేషన్​ తీసుకునేవారట.