కొవిడ్ ప్రభావం తర్వాత సినిమాలన్నీ థియేటర్లకు క్యూ కడుతున్నాయి. ఈ వారం కూడా అలానే నాలుగు కొత్త చిత్రాలు ప్రేక్షకుల్ని అలరించేందుకు సిద్ధమయ్యాయి. 'చావు కబురు చల్లగా', 'మోసగాళ్ళు', 'శశి', 'ముంబయి సాగా'.. ఈ జాబితాలో ఉన్నాయి.
ఫిలాసఫీతో 'చావు కబురు చల్లగా'
తాత్వికత నేపథ్య కథతో తెరకెక్కిన చిత్రం 'చావు కబురు చల్లగా'. కార్తికేయ, బస్తీ బాలరాజుగా కనిపించనుండగా, వితంతువు పాత్రలో హీరోయిన్ లావణ్య త్రిపాఠి నటించింది. ఈ సినిమాతో కౌశిక్ దర్శకుడిగా పరిచయమవుతున్నారు. జీఏ2 పిక్చర్స్ పతాకంపై బన్నీ వాసు నిర్మించారు. ఇప్పటికే విడుదలైన ట్రైలర్, పాటలు అలరిస్తుండగా, మరి సినిమా ఏ రేంజ్లో సక్సెస్ అవుతుందో చూడాలి.
- " class="align-text-top noRightClick twitterSection" data="">
ఈ అక్కా తమ్ముడు 'మోసగాళ్ళు'
గతంలో జరిగిన రూ.5000 కోట్ల ఐటీ స్కామ్ కథతో రూపొందించిన చిత్రం 'మోసగాళ్ళు'. మంచు విష్ణు, కాజల్ అగర్వాల్.. అక్కా తమ్ముడిగా ప్రధాన పాత్రల్లో నటించారు. సునీల్ శెట్టి పోలీస్ అధికారిగా కనిపించనున్నారు. జెఫ్రీ గిచిన్ దర్శకత్వం వహించారు. మరి ప్రేక్షకులు ఈ సినిమా ఎలా ఆదరిస్తారో చూడాలి?
- " class="align-text-top noRightClick twitterSection" data="">
పాటతో అంచనాలు పెంచేసిన 'శశి'
'ఒకే ఒక లోకం నువ్వే' అంటూ ఒక్క పాటతో హైప్ క్రియేట్ చేసిన సినిమా 'శశి'. ఆది, సురభి జంటగా నటించారు. శ్రీనివాస్ నాయుడు దర్శకత్వం వహించారు. ప్రేమకథగా తెరకెక్కిన ఈ చిత్రం ఎంతలా ఆకట్టుకుంటుందో తెలియాలంటే కొన్ని గంటలు ఎదురుచూడాల్సిందే.
- " class="align-text-top noRightClick twitterSection" data="">
యాక్షన్తో 'ముంబయి సాగా'
యాక్షన్ డ్రామాతో తీసిన 'ముంబయి సాగా'.. ఈరోజు వస్తున్న మరో చిత్రం. జాన్ అబ్రహాం, ఇమ్రాన్ హష్మీ ప్రధాన పాత్రల్లో నటించారు. సంజయ్ గుప్తా దర్శకత్వం వహించారు.
- " class="align-text-top noRightClick twitterSection" data="">
