> తెలుగు ప్రేక్షకులకు ఇష్టమైన చిత్రాల్లో ఒకటి 'ఢీ'. దీని సీక్వెల్కు 'డబుల్ డోస్' టైటిల్ను నిర్ణయిస్తూ సోమవారం(నవంబరు 23) ప్రకటన చేశారు. హీరో విష్ణు పుట్టినరోజు సందర్భంగా పోస్టర్ను కూడా విడుదల చేశారు. 'ఢీ' తీసిన శ్రీను వైట్లనే దీనికి దర్శకత్వం వహించనున్నారు.
> జూ.ఎన్టీఆర్ 'అరవింద సమేత' మళ్లీ రికార్డులు సృష్టిస్తోంది. అదేంటి ఎప్పుడో 2018లో విడుదలైంది కదా.. ఇప్పుడు రికార్డులేంటి అనుకుంటున్నారా? హిందీ డబ్బింగ్ వెర్షన్ను యూట్యూబ్లో ఆదివారం విడుదల చేయగా, కేవలం ఒక్కరోజులోనే 10 మిలియన్ వ్యూస్ సాధించడం సహా మూడు లక్షలకు పైగా లైకులను సొంతం చేసుకుంది.
> హీరోలు నాగచైతన్య, మంచు విష్ణుల పుట్టినరోజు సందర్భంగా వారు నటిస్తున్న 'లవ్స్టోరి','మోసగాళ్లు' సినిమాల నుంచి కొత్త పోస్టర్లు విడుదలయ్యాయి. చైతూ లుంగీ లుక్తో అలరిస్తుండగా, విష్ణు స్టైలిష్గా చూస్తూ ఆసక్తి రేపుతున్నారు.
> సుశాంత్ సింగ్ చివరి చిత్రం 'దిల్ బెచారా'లో హీరోయిన్గా నటించిన సంజనా సంఘీ.. బాలీవుడ్లో రెండో ప్రాజెక్టుకు అంగీకారించింది. ఆదిత్య రాయ్ కపూర్ హీరోగా నటిస్తున్న 'ఓమ్'లో కథానాయికగా సంజన కనిపించనుంది. కపిల్ వర్మ దర్శకత్వం వహించనున్నారు.
> అనుష్క 'భాగమతి' హిందీ రీమేక్ 'దుర్గమతి' విడుదలకు సిద్ధమైంది. డిసెంబరు 11 నుంచి అమెజాన్ ప్రైమ్ వీడియోలో స్ట్రీమింగ్ కానుంది. భూమి ఫెడ్నేకర్ ప్రధాన పాత్రలో నటించగా, మాతృక తీసిన అశోక్ దీనికి కూడా దర్శకత్వం వహించారు.
ఇది చదవండి: మాల్దీవుల్లో సమంత.. రౌడీ హీరో ప్రశంసలు
