*నేచురల్ స్టార్ నాని 'టక్ జగదీష్' సినిమా ఫస్ట్లుక్ విడుదలైంది. విస్తరాకులో భోజనం చేస్తూ, వెనక కత్తి పట్టుకుని కనిపించారు నాని. వచ్చే ఏడాది వేసవికి థియేటర్లలో రిలీజ్ కానుందీ చిత్రం. రీతూ వర్మ, ఐశ్వర్య రాజేశ్ హీరోయిన్లు. శివ నిర్వాణ దర్శకుడు.
*'క్రాక్' సినిమాలోని 'కోరమీసం పోలీసోడా' అంటూ సాగే లిరికల్ గీతం అభిమానుల ముందుకొచ్చింది. హీరోయిన్గా శ్రుతిహాసన్ నటించింది. తమన్ సంగీత దర్శకుడు. గోపీచంద్ మలినేని డైరెక్టర్. సంక్రాంతి కానుకగా థియేటర్లలో విడుదల కానుందీ సినిమా.
*కోలీవుడ్ హీరో విజయ్ 'మాస్టర్'.. సెన్సార్ పూర్తి చేసుకుని యూ/ఏ సర్టిఫికెట్ తెచ్చుకుంది. జనవరి 13న తెలుగు, తమిళ భాషల్లో థియేటర్లలోనే విడుదల కానుంది చిత్రం.
*'కోబ్రా' చిత్ర రెండో లుక్ ప్రేక్షకుల ముందుకొచ్చింది. ఇందులో విక్రమ్ వేషధారణ అలరిస్తోంది. ప్రతి సమస్యకు గణిత పరిష్కారం ఉంటుందని పోస్టర్పై రాయడం మరో విశేషం. అజయ్ జ్ఞానముత్తు దర్శకుడు.
*'డబ్ల్యూడబ్ల్యూడబ్ల్యూ' ప్రీలుక్ను హీరో కల్యాణ్ రామ్ విడుదల చేశారు. మిస్టరీ థ్రిల్లర్గా రూపొందుతున్న ఈ సినిమాలో అరుణ్ అదిత్, శివాత్మిక నటిస్తున్నారు. కేవి గుహన్ దర్శకుడు.
*క్రిస్మస్ శుభాకాంక్షలు చెప్పిన సుమంత్ 'కపటధారి' బృందం.. త్వరలో ట్రైలర్ను తీసుకురానున్నట్లు తెలిపింది. థ్రిల్లర్ కథతో తెరకెక్కుతున్న ఈ సినిమాలో సుమంత్.. ట్రాఫిక్ కానిస్టేబుల్గా కనిపించనున్నారు.
- " class="align-text-top noRightClick twitterSection" data="">
