*ఇటీవల పెళ్లి చేసుకున్న మెగా డాటర్ నిహారిక.. ఓ ఫాంటసీ డ్రామా వెబ్ సిరీస్లో నటించేందుకు సిద్ధమైంది. శుక్రవారం(జనవరి 8) ఇది లాంఛనంగా ప్రారంభమైంది. అనసూయ ఇందులో కీలక పాత్రధారి. కల్యాణి మాలిక సంగీతమందిస్తుండగా, భాను రాయుడు దర్శకత్వం వహిస్తున్నారు.
*కిరణ్ అబ్బవరం, చాందినీ చౌదరి జంటగా నటించనున్న 'సమ్మతమే' సినిమా ప్రారంభమైంది. శుక్రవారం పూజా కార్యక్రమం జరిగింది. శనివారం నుంచి రెగ్యులర్ షూటింగ్ మొదలు కానుంది. గోపీనాథ్ రెడ్డి దర్శకుడిగా పరిచయమవుతున్నారు.
*విజయ్ 'మాస్టర్' ప్రీరిలీజ్ ఈవెంట్ హైదరాబాద్లో శుక్రవారం జరిగింది. దర్శకుడు లోకేశ్ కనకరాజ్తో పాటు అనిరుధ్ రవిచందర్, నటుడు శంతను తదితరులు హాజరయ్యారు. ఈ నెల 13న థియేటర్లలో విడుదల కానుందీ చిత్రం.
*మాధవన్ హీరోగా నటిస్తున్న బాలీవుడ్ సినిమా శుక్రవారం లాంఛనంగా మొదలైంది. కుశాలి కుమార్ హీరోయిన్. అపర్శక్తి ఖురానా, దర్శన్ కుమార్ ఇతర పాత్రలు పోషిస్తున్నారు. కూకీ గులాటీ దర్శకుడు. గుల్షన్ కుమార్ నిర్మిస్తున్నారు.
ఇది చదవండి: సంక్రాంతి ముగ్గులే కాదు.. ముద్దు గుమ్మలూ రెడీ!
