బాలీవుడ్ నటుడు సుశాంత్ సింగ్ రాజ్పుత్కు తన స్వస్థలం పూర్ణియా జిల్లా వాసులు గొప్ప నివాళి అర్పించారు. నగరంలోని చారిత్రాత్మక ఫోర్డ్ కంపెనీ జంక్షన్కు ఇతడి పేరు పెట్టారు. దీనితోపాటే మధుబని నుంచి మాతా ప్రాంతాన్ని అనుసంధానం చేసే దారిని ఇకపై సుశాంత్ సింగ్ రాజ్పుత్ మార్గం అని పిలవనున్నారు. ఈ మేరకు జిల్లా మేయర్ సవితా దేవి స్పష్టం చేశారు.
మున్సిపల్ కార్పోరేషన్లో వాయిస్ ఓటింగ్ పద్దతి ద్వారా ఈ ప్రతిపాదనను ముందుకు తీసుకొచ్చినట్లు మేయర్ తెలిపారు. అంతే కాకుండా, సుశాంత్ పూర్వీకుల గ్రామం ఈ పూర్ణియా అని.. హీరో మరణించిన తర్వాత అతడి కోసం ఓ స్థూపాన్ని కూడా నిర్మించాలని ప్రజలు డిమాండ్ చేసినట్లు సవితా దేవి పేర్కొన్నారు. సుశాంత్ బాల్య స్నేహితుడు, బిహార్ వికాస్ మోర్చా అధ్యక్షుడు రాకేశ్ సింగ్ మట్లాడుతూ.. "ఇది సుశాంత్కు గొప్ప నివాళి మాత్రమే కాదని, రాష్ట్రానికే గర్వకారణం" అని వెల్లడించారు.
ఇదీ చూడండి:బయో ఎంజైమ్స్ తయారు చేసిన సమంత
