బాలీవుడ్లో మరో మరణం. హిందీ, బెంగాలీ నటి మిస్తీ ముఖర్జీ.. కిడ్నీ విఫలం కావడం వల్ల శుక్రవారం బెంగళూరులో మరణించింది. ఈ విషయాన్ని ఆమె తండ్రి వెల్లడించారు. కీటో డైట్ వల్ల మిస్తీ ఆరోగ్యం క్షీణించిదని, గత 6-7 రోజుల నుంచి ఆస్పత్రిలో చికిత్స తీసుకుంటా తుదిశ్వాస విడిచిందని పేర్కొన్నారు. దీంతో ఆమె తల్లి షాక్లో వెళ్లిందని చెప్పారు.
మిస్తీ.. సినిమాలతో పాటు పలు మ్యూజిక్ వీడియోలు చేసి గుర్తింపు పొందింది. ఈమెకు తల్లిదండ్రులతో పాటు ఓ సోదరుడు ఉన్నాడు.
ఇప్పటికే సుశాంత్ సింగ్, రిషి కపూర్, ఇర్ఫాన్ ఖాన్, వాజిద్ ఖాన్, సరోజ్ ఖాన్ మరణాలతో దిగ్భ్రాంతి చెందిన చిత్రపరిశ్రమ.. ఈమె మృతిపై మరింత విచారం వ్యక్తం చేసింది.
