ప్రకాశ్ కోవెలమూడి దర్శత్వంలో నటుడు రాజ్కుమార్ రావ్, క్వీన్ కంగనా రనౌత్ జంటగా నటించిన చిత్రం 'మెంటల్ హై క్యా'. ఈ టైటిల్ మానసిక వికలాంగులను కించపరిచేలా ఉందనే కారణంతో మార్చాలని సూచించింది సెన్సార్ బోర్డు. టైటిల్ను 'జడ్జిమెంటల్ హై క్యా'గా మార్చినట్లు ప్రకటించింది చిత్రబృందం.
" మానసిక సమస్యలతో ఉన్న వారిని కించపరిచే ఉద్దేశం ఏమీ లేదు. ఎవరి మనోభావాలు దెబ్బతీయాలని అనుకోవట్లేదు. అందుకే సినిమా పేరును 'జడ్జిమెంటల్ హై క్యా'గా మార్చాం. ఈ థ్రిల్లర్లో కంగనా, రాజ్కుమార్ అద్భుతంగా నటించారు. థియేటర్లలో ప్రేక్షకుల స్పందన చూడాలనుంది" - చిత్రబృందం
సెన్సార్ బోర్డు.. సినిమాలో చిన్న చిన్న మార్పులు చేయాలని కోరుతూ యూ/ఏ సర్టిఫికేట్ ఇచ్చినట్లు నిర్మాతలు పేర్కొన్నారు. జులై 26న ప్రేక్షకుల ముందుకు రానుందీ చిత్రం.
ఇండియన్ సైక్రియాటిక్ సొసైటీ (ఐపీఎస్) సభ్యులు ఈ చిత్ర టైటిల్పై సెన్సార్ బోర్డుకు లేఖ రాశారు. స్పందించిన చిత్ర నిర్మాతలు... మానసిక రుగ్మతలు కలిగిన వారిని ప్రజలు మరింత ఆదరించేలా, సందేశాత్మకంగా ఈ సినిమా ఉంటుందని స్పష్టం చేశారు.
ఇది చదవండి: దిశా పటానీ.. అందం అదిరిందబ్బా
