మెగాస్టార్ చిరంజీవి హీరోగా కొరటాల శివ దర్శకత్వంలో 'ఆచార్య'(వర్కింగ్ టైటిల్) తెరకెక్కుతోంది. ఈ సినిమాలో ఓ కీలకపాత్ర కోసం రామ్చరణ్ను సంప్రదించారట. కానీ, అతడు రాజమౌళి చిత్రంతో బిజీగా ఉండటం వల్ల ఇందులో పాల్గొనటం లేదని తెలుస్తోంది. అయితే ఈ పాత్రలో మహేశ్బాబును తీసుకున్నట్టు ఇటీవలే టాలీవుడ్లో ప్రచారం జరిగింది. దీనిపై తాజాగా చిరంజీవి స్పందించాడు.
"కొరటాల శివ సినిమా కోసం మహేశ్ను సంప్రదించామన్నది అవాస్తవం. ఇందులోకి అతడిని ఎలా తీసుకువచ్చారో అర్థం కావట్లేదు. మహేశ్ నా కొడుకు లాంటి వాడే.. కానీ, ఈ సినిమా కోసం అతడిని సంప్రదించలేదు. ఆ పాత్రకు రామ్చరణ్ కావాలని దర్శకుడు అడిగాడు. 'ఆర్ఆర్ఆర్' చిత్రీకరణలో చరణ్ బిజీగా ఉండటం వల్ల అది సాధ్యం కాలేదు. ఒకవేళ రాజమౌళి, కొరటాల శివ.. వారిద్దరి మధ్య అవగాహనతో డేట్లు సర్దుబాటు జరిగితే సాధ్యం కావొచ్చు."
-- చిరంజీవి, కథానాయకుడు
కొన్ని క్రియేటివ్ కారణాలతో ఇటీవలే ఈ ప్రాజెక్టు నుంచి తప్పుకున్నట్టు నటి త్రిష ప్రకటించింది. ఆ తర్వాత హీరోయిన్గా కాజల్ను తీసుకున్నారు. ఈ సినిమాకు మణిశర్మ సంగీతం అందిస్తున్నాడు.
ఇదీ చూడండి.. మరో పది రోజులు ఓపిక పట్టండి: రేణు దేశాయ్
