బాలీవుడ్ జోడీ మలైకా అరోరా, అర్బాజ్ ఖాన్.. 2017లో న్యాయపరంగా విడాకులు తీసుకున్నారు. అయితే ఆ తర్వాత ఈ విషయం గురించి ఇద్దరిలో ఎవరూ మాట్లాడలేదు. కానీ ఇటీవలే కరీనా కపూర్ రేడియో షో 'వాట్ ఉమెన్ వాంట్'లో మాట్లాడుతూ పలు విషయాలు వెల్లడించింది మలైకా. డైవోర్స్ తీసుకునే సమయంలో జరిగిన కొన్ని సంఘటనలను గుర్తుచేసుకుంది. తొలుత తన కుటుంబసభ్యులు.. ఈ విషయంపై మరోసారి ఆలోచించమన్నారని చెప్పింది.
"ఈ విషయంలో ఎవరైనా సరే ముందు వద్దనే చెప్తారు. నాకు అలానే జరిగింది. విడాకులు తీసుకునే ముందురోజు రాత్రి.. నువ్వు ఆలోచించే ఈ నిర్ణయం తీసుకున్నావా? అని నా కుటుంబ సభ్యులు అడిగారు. మరోసారి ఆలోచించుకోమని చెప్పారు. నేను అనుకున్నదే చెబితే, వారందరూ నాకు అండగా నిలిచారు. మనం తీసుకోనే ఓ నిర్ణయం మన జీవితాన్ని సులభంగా సాగనివ్వదు. చివరికి కొంతమందితో నిందలు పడాల్సినా పరిస్థితులు తీసుకొస్తుంది. అయితే మన కోసం, చూట్టూ ఉండేవారి కోసం ఇదే సరైనదని భావించే నేను, అర్భాజ్ కలిసి ఈ నిర్ణయం తీసుకున్నాం"
-- మలైకా అరోరా, నటి
తన కుమారుడి అర్హాన్ గురించి ప్రస్తావించిన మలైకా.. అతడిని మంచి వాతావరణంలో సంతోషంగా ఉంచేందుకే ప్రాధాన్యాన్ని ఇచ్చామని చెప్పింది. అర్భాజ్తో విడిపోయినప్పటికీ తన కొడుకు ఇద్దరితో సంతోషంగా ఉన్నాడని గుర్తుచేసుకుంది.
1998లో మలైకా-అర్భాజ్ పెళ్లి చేసుకున్నారు. 2017 మేలో న్యాయపరంగా విడిపోయారు. ప్రస్తుతం అర్జున్ కపూర్తో మలైకా డేటింగ్లో ఉంది. ఇటాలియన్ మోడల్ జార్జియా ఆండ్రియానీతో తన రిలేషన్షిప్ను అధికారికంగా ప్రకటించాడు అర్భాజ్.
ఇదీ చదవండి: 'కరోనాను తరిమికొట్టేందుకు సూపర్హీరో అవుతా'
