మహేశ్ బ్రాండెడ్ దుస్తుల వ్యాపారం షురూ
హీరోగానే కాకుండా 'బిజినెస్మేన్'గా రాణించేందుకు సిద్ధమయ్యాడు టాలీవుడ్ సూపర్స్టార్ మహేశ్బాబు. ఇప్పటికే ఏఎంబీ సినిమాస్ పేరుతో మల్టీప్లెక్స్ రంగంలో విజయవంతమయ్యాడు. 'ద హంబుల్ కో' పేరుతో బ్రాండెడ్ దుస్తుల వ్యాపారాన్ని బుధవారం ప్రారంభించాడు. హైదరాబాద్ పార్క్ హయత్ హోటల్ దీనికి వేదికైంది.
ముందుగా కంపెనీకి సంబంధించిన దుస్తుల్ని ధరించిన మోడళ్లు ర్యాంప్ వాక్ చేశారు. అనంతరం అభిమానుల ప్రశ్నలకు సమాధానమిచ్చాడు మహేశ్. తన పుట్టినరోజుకు రెండు రోజుల ముందు 'ద హంబుల్ కో'ను ఆవిష్కరించడం ఆనందంగా ఉందని చెప్పాడు. ఇది ఓ క్లాతింగ్ బ్రాండ్ మాత్రమే కాదని, ఇదొక జీవనశైలి అని పేర్కొన్నాడు. ఈ దుస్తులు స్పాయిల్ యాప్లో లభించనున్నాయి.
ఇది చదవండి: 'సూపర్స్టార్ మహేశ్': 20 ఏళ్లు.. 25 చిత్రాలు
