సూపర్స్టార్ మహేశ్బాబు ట్విటర్‌లో సరికొత్త రికార్డు సృష్టించాడు. దక్షిణాది చిత్ర పరిశ్రమలో 90 లక్షల ఫాలోవర్స్‌ సాధించిన తొలి నటుడిగా నిలిచాడు. ఈ నేపథ్యంలో అభిమానులు ఆనందం వ్యక్తం చేస్తున్నారు. తర్వాతి సినిమా విడుదల సమయానికి, కోటి మంది అనుచరుల్ని చేరుకుంటారని కామెంట్లు చేస్తున్నారు.
2010 ఏప్రిల్‌లో మహేశ్ ట్విటర్‌ ఖాతా ప్రారంభించాడు. సూపర్‌స్టార్‌ను 9 మిలియన్ల మంది ఫాలో అవుతుండగా.. మహేశ్ మాత్రం 26 మందిని అనుసరిస్తున్నాడు. గతంలో కేవలం తన బావ గల్లా జయదేవ్‌ను మాత్రమే అనుసరించేవాడు. ఇప్పుడు ఆ సంఖ్య 26కు చేరింది.
'సరిలేరు నీకెవ్వరు'తో సంక్రాంతి హిట్‌ అందుకున్న మహేశ్.. దర్శకుడు వంశీ పైడిపల్లి తీయబోయే సినిమాలో నటించనున్నాడు. మరోపక్క మెగాస్టార్‌ చిరంజీవి-కొరటాల శివ కాంబినేషన్లో రానున్న 'ఆచార్య'లోనూ ప్రత్యేక పాత్రలో కనిపించనున్నాడని సమాచారం. అయితే ఈ ప్రచారంపై చిత్ర బృందం స్పందించలేదు.
