లిరికల్​ వీడియో: 'ఏయ్​ పిల్లా.. పరుగున పోదామా'

శేఖర్​ కమ్ముల దర్శకత్వంలో నాగచైతన్య, సాయి పల్లవి జంటగా తెరకెక్కుతోన్న చిత్రం 'లవ్​స్టోరీ'. ప్రేమికుల రోజున ఈ సినిమాలోని 'ఏయ్​ పిల్లా' ప్రోమోకు మంచి ఆదరణ లభించింది. తాజాగా ఆ పాట పూర్తి లిరికల్ వీడియోను సోషల్​ మీడియా వేదికగా విడుదల చేసింది చిత్రబృందం.

ప్రేమకథల్ని తెరకెక్కించడంలో మాస్టర్‌ అనిపించుకున్న దర్శకుడు శేఖర్‌ కమ్ముల. సహజత్వం ఉట్టిపడేలా కథ, కథనాల్ని నడిపిస్తూ... హీరోహీరోయిన్ల మధ్య మంచి కెమిస్ట్రీని ఉండేలా సన్నివేశాలు తెరకెక్కిస్తాడు. తాజాగా మరో అందమైన 'లవ్‌స్టోరీ'ని ప్రేక్షకుల ముందుకు తీసుకువస్తున్నాడీ స్టార్​ డైరెక్టర్​. ఈ సినిమాలో నాగచైతన్య, సాయిపల్లవి జంటగా నటిస్తున్నారు.

ఇటీవలే సామాజిక మాధ్యమాల్లో 'ఏయ్​ పిల్లా' ప్రోమోకు విశేషాదరణ లభించటం వల్ల.. తాజాగా ఆ పాటకు సంబంధించిన పూర్తి లిరికల్​ వీడియోను విడుదల చేసింది చిత్రబృందం.

ఎ.ఆర్‌.రెహమాన్‌ శిష్యుడు పవన్‌ సి.హెచ్‌ ఈ సినిమాతో సంగీత దర్శకుడిగా పరిచయమవుతున్నాడు. రాజీవ్‌ కనకాల, ఈశ్వరీరావు, దేవయాని తదితరులు ముఖ్య పాత్రలు పోషిస్తున్నారు. నారాయణ్‌దాస్‌, కె.నారంగ్‌, పి.రామ్మోహన్‌రావు నిర్మాతలు. వేసవిలో ప్రేక్షకుల ముందుకు రానుంది చిత్రం.

• " class="align-text-top noRightClick twitterSection" data="">

ఇదీ చూడండి.. లవ్​స్టోరీ: అమ్మాయి ముద్దు పెడితే ఏడుస్తారా..?