కరోనాతో ఉద్యోగస్థులు 'వర్క్ ఫ్రమ్ హోం' చేయడం ప్రారంభించారు. ఇప్పుడు తాను కూడా ఇదే చేస్తున్నట్లు తెలిపాడు హీరో విజయ్ దేవరకొండ. ఏంటి అర్థం కాలేదా? ప్రస్తుతం ఈ రౌడీ హీరో పూరి జగన్నాథ్ దర్శకత్వం వహిస్తున్న 'లైగర్' సినిమాలో నటిస్తున్నాడు. తాజాగా ఈ సినిమాకు డబ్బింగ్ చెప్పడం షురూ చేశాడు. అయితే దీనిని ఇంటినుంచే చెప్పుతున్నాడీ హీరో. దీనికి సంబంధించిన ఫొటోను పోస్ట్ చేశాడు. 'యువర్ బాయ్ ఈజ్ బ్యాక్, వర్క్ ఫ్రమ్ హోం' అని వ్యాఖ్య రాసుకొచ్చాడు. ఈ చిత్రంలో అనన్యా పాండే హీరోయిన్గా నటిస్తోంది.
దర్శకుడు కరుణ కుమార్‌ దర్శకత్వంలో సుధీర్బాబు హీరోగా తెరకెక్కుతున్న కొత్త సినిమా 'శ్రీదేవి సోడా సెంటర్‌'(Sridevi Soda Centre). గురువారం ఈ చిత్ర విడుదల తేదీని ప్రకటించింది చిత్రబృందం. ఆగస్టు 27న థియేటర్లలో విడుదల కానున్నట్లు తెలిపింది. ఆనంది కథానాయిక.
శ్రీవిష్ణు కథానాయకుడిగా నటించిన చిత్రం 'రాజ రాజ చోర'. తాజాగా ఈ చిత్రంలోని మాయ మాయ లిరికల్ వీడియో సాంగ్ రిలీజ్ అయింది. మేఘ ఆకాష్‌ కథానాయిక. సునైన ముఖ్యభూమిక పోషించారు. హితేశ్‌ గోలి దర్శకత్వం వహించారు. టి.జి.విశ్వప్రసాద్‌, అభిషేక్‌ అగర్వాల్‌ నిర్మాతలు. ఈ నెల 19న చిత్రాన్ని ప్రేక్షకుల ముందుకు తీసుకొస్తున్నారు.
- " class="align-text-top noRightClick twitterSection" data="">
26/11 ముంబయి దాడుల్లో వీర మరణం పొందిన మేజర్ సందీప్‌ ఉన్నికృష్ణన్‌ జీవితాధారంగా తెరకెక్కుతోన్న చిత్రం 'మేజర్'. యువ నటుడు అడివి శేష్ టైటిల్‌ పాత్ర పోషిస్తున్నాడు. తాజాగా ఈ మూవీ ఫైనల్ షెడ్యూల్ చిత్రీకరణ ప్రారంభమైంది. మొత్తం షూటింగ్ ఆగస్టు చివరి నాటికి పూర్తవుతుందని తెలిపింది చిత్రబృందం. అడివిశేష్కు సంబంధించిన ఓ ఫొటోను పోస్ట్ చేసింది. త్వరలోనే అప్డేట్స్ తెలియజేస్తామని వెల్లడించింది. సయీ మంజ్రేకర్‌, శోభిత దూళిపాళ్ల కీలక పాత్రలు పోషిస్తున్నారు. శశి కిరణ్‌ తిక్క దర్శకుడు.
ఇదీ చూడండి: ప్రెగ్నెన్సీ సమయంలో శృంగారం.. కరీనా ఏమందంటే?
