భారత నటీనటులు హాలీవుడ్లో నటించడమే కాదు.. ఇంగ్లీష్ నటులూ మన సినిమాల్లో సందడి చేస్తుంటారు. స్టార్ హీరోలైన విల్ స్మిత్, సిల్వెస్టర్ స్టాలోన్ వంటి నటులు పలు బాలీవుడ్ సినిమాల్లో నటించారు. ఇక లెజెండరీ బాక్సర్ మైక్ టైసన్ మాత్రం మన సినిమాలకు కొత్తే! పూరి జగన్నాథ్ దర్శకత్వంలో విజయ్ దేవరకొండ నటిస్తున్న 'లైగర్' చిత్రంలో టైసన్ ప్రత్యేక పాత్రలో కనిపించనున్నారు. ఇటీవలే అమెరికాలో ఆయన పాత్రకు సంబంధించిన షూటింగ్ పూర్తి చేసుకున్నారు.
తాజాగా టైసన్ గురించి ఆసక్తికర విశేషం చెప్పింది అనన్యా. టైసన్తో మాట్లాడాలంటే భయమేసిందట. ఆయనతో మాట కలిపేందుకు వణికిపోయేదాన్నని చెబుతోంది అనన్య.
"మైక్ టైసన్ చాలా గొప్ప వ్యక్తి. నిజం చెప్పాలంటే ఆయన వ్యక్తిత్వాన్ని, బాక్సింగ్ ప్రతిభను చూసి ఆయనతో మాట్లాడాలంటే కొద్దిగా భయమేసేది. చిన్నప్పటి నుంచి ఆయన బౌట్లు చూస్తూ పెరిగాం. ఎంతో పేరున్న వ్యక్తి అయినప్పటికీ ఆయన చాలా ఫన్నీగా, కూల్గా ఉంటారు."
- అనన్యా పాండే, నటి
పాన్‌ ఇండియా స్థాయిలో ధర్మ ప్రొడక్షన్స్‌, పూరీ కనెక్ట్స్‌ సంయుక్తంగా 'లైగర్' మూవీని నిర్మిస్తున్నాయి. వచ్చే ఏడాది ఆగస్టు 25న ప్రపంచవ్యాప్తంగా థియేటర్లలో సినిమా విడుదలకానుంది. ఈ ఏడాది డిసెంబరు 31న చిత్రానికి సంబంధించిన ఓ గ్లింప్స్ను రిలీజ్ చేయబోతున్నట్లు తెలిపింది చిత్రబృందం. ఈ సినిమా కోసం విజయ్ దేవరకొండ మిక్స్‌డ్‌ మార్షల్‌ ఆర్ట్స్‌లో ప్రత్యేకంగా తర్ఫీదు పొందారు.
ఇదీ చూడండి: Priyanka Chopra: 'ఈ స్థాయికి రావడానికి కారణం అదే'
