అప్పుడు తమ్ముడితో.. ఇప్పుడు అన్నయ్యతో!

'ఉప్పెన' భామ కృతిశెట్టి టాలీవుడ్​లో మరో చిత్రానికి గ్రీన్ సిగ్నల్ ఇచ్చినట్లు సమాచారం. మెగా హీరో సాయి తేజ్​తో ఈ ముద్దుగుమ్మ రొమాన్స్ చేయనుందన్న వార్తలు గట్టిగా వినిపిస్తున్నాయి.

'ఉప్పెన' చిత్రంతో టాక్ ఆఫ్ ది టాలీవుడ్​గా మారిపోయింది కృతిశెట్టి. అరంగేట్రంలోనే అదిరిపోయే పర్ఫామెన్స్​తో కుర్రాల గుండెల్లో అభిమాన నటిగా నిలిచిపోయింది. ఈ చిత్రంలో యువ మెగా హీరో వైష్ణవ్ తేజ్​తో నటించిన ఈ భామ.. తాజాగా ఇతడి అన్నయ్య సాయి ధరమ్​ తేజ్​తో రొమాన్స్ చేయడానికి సిద్ధమైందని సమాచారం.

కార్తిక్ వర్మ దర్శకత్వంలో తేజ్ హీరోగా ఓ చిత్రం తెరకెక్కనుంది. ఈ సినిమాలో హీరోయిన్ పాత్ర కోసం కృతిశెట్టిని సంప్రదించారట. ఆమె కూడా సానుకూలంగా స్పందించినట్లు సమాచారం. త్వరలోనే అధికారిక ప్రకటన వచ్చే అవకాశం ఉంది.