హిందీ చిత్రసీమలోని ప్రముఖ నటులు షారుఖ్ ఖాన్, ఆయుష్మాన్ ఖురానా.. శుక్రవారం జరిగిన కృష్ణాష్టమి వేడుకల్లో పాల్గొన్నారు. కృష్ణుడిని అభిమానించే బాద్ షా... ముంబయిలో ఫ్యాన్స్ సమక్షంలో ఉట్టికొట్టాడు. అతడి అంగరక్షకుడు పైకెత్తుకోగా కుండ పగులగొట్టాడు షారుఖ్. గతేడాది కూడా తన కుమారుడు అబ్రామ్తో కలిసి ఇలానే ఉత్సవాల్లో పాల్గొన్నాడు.
- " class="align-text-top noRightClick twitterSection" data="View this post on Instagram
#happyjanmashtami 🙏 #shahrukhkhan breaks dahi handi on this occasion @viralbhayani
">
'అంధాధున్'తో ఘన విజయం అందుకున్న ఆయుష్మాన్ ఖురానా.. 'డ్రీమ్ గర్ల్' ప్రచార కార్యక్రమాల్లో బిజీగా ఉన్నాడు. బరోడాను సందర్శించిన ఈ కథానాయకుడు... జన్మాష్టమి వేడుకల్లో భాగంగా ఉట్టి కొట్టాడు.
'దహీ హండి' సందర్భంగా అభిమానులను అలరించాడు. తన కొత్త సినిమాలోని 'రాధే రాధే' పాటకు నర్తించాడు. కృష్ణుడి వేషంలో ఉన్న తన ఫొటోను సోషల్ మీడియాలో పంచుకున్నాడు.
'డ్రీమ్ గర్ల్' చిత్రంలో పూజా అనే పాత్ర పోషిస్తున్నాడు ఆయుష్మాన్. అన్ను కపూర్, విజయ్ రాజ్, మన్జోత్ సింగ్, నిధి బిస్త్, రాజేశ్ శర్మ, అభిషేక్ బెనర్జీ, రాజ్ భన్సాలీ ఇతర పాత్రల్లో కనిపించనున్నారు. రాజ్ షాందిల్య దర్శకుడు. ఏక్తాకపూర్ నిర్మాత. ఈ ఏడాది సెప్టెంబర్ 13న ప్రేక్షకుల ముందుకు రానుంది.
బాలీవుడ్ ప్రముఖులు అమితాబ్ బచ్చన్, హేమ మాలిని, తాప్సీ పన్ను.. అభిమానులకు పండుగ శుభాకాంక్షలు తెలిపారు.
ఇదీ చదవండి...ఆయనతో సహజీవనం చేయట్లేదు: భూమి
