గోపిచంద్ మలినేని దర్శకత్వంలో మాస్ మహారాజా రవితేజ.. ముచ్చటగా మూడోసారి నటిస్తున్న చిత్రం 'క్రాక్'. ఈ వేసవిలో విడుదల కావాల్సిన సినిమా.. కరోనా కారణంగా నిలిచిపోయింది. మరోవైపు థియేటర్లు తిరిగి తెరుచుకోవడంపై అనిశ్చితి నెలకొన్న వేళ.. చిత్ర నిర్మాతలు డిజిటల్వైపు ఆసక్తి చూపిస్తున్నట్లు సమాచారం. ఈ నేపథ్యంలోనే దక్షిణాది సినీ పరిశ్రమలో భారీ అభిమానులను సొంతం చేసుకున్న రవితేజ 'క్రాక్' సినిమాను.. ఓటీటీ ప్లాట్ఫామ్లో విడుదల చేసేందుకు సిద్ధమైనట్లు సినీ వర్గాలు చెప్పుకుంటున్నాయి.
'క్రాక్' నిర్మాత బి.మధు స్ట్రీమింగ్ హక్కులను విక్రయించేందుకు ఓ ప్రముఖ ఓటీటీ ప్లాట్ఫామ్తో చర్చలు జరిపినట్లు తెలుస్తోంది. అయితే ఈ విషయంపై ఇంకా అధికారిక ప్రకటన వెలువడలేదు.
ఈ చిత్రంలో రవితేజ సరసన కథానాయిక శ్రుతిహాసన్ నటించింది. దాదాపు రెండేళ్ల తర్వాత ఈ సినిమాతో టాలీవుడ్లో కనిపించనుందీ హీరోయిన్. నిజ జీవిత సంఘటనల ఆధారంగా ఈ సినిమాను రూపొందించారు. ఇందులో వరలక్ష్మీ శరత్కుమార్, అలీ, దేవీప్రసాద్ తదితరులు కీలక పాత్రల్లో నటించారు. ఎస్.ఎస్. తమన్ స్వరాలు సమకూర్చాడు. గతంలో రవితేజ-గోపీచంద్ మలినేని కాంబినేషన్‌లో వచ్చిన 'డాన్‌శీను', 'బలుపు' చిత్రాలు బాక్సాఫీస్‌ వద్ద మంచి విజయాన్ని అందుకున్నాయి.
- " class="align-text-top noRightClick twitterSection" data="">
