శాండిల్వుడ్ నటుడు యశ్ హీరోగా తెరకెక్కిన 'కేజీఎఫ్' సినిమా ప్రేక్షకుల్ని ఎంతగానో అలరించింది. కన్నడ సహా ఇతర భాషల్లోనూ సంచలన విజయం సాధించింది. దర్శకత్వం వహించిన ప్రశాంత్‌ నీల్కు మంచి పేరు తీసుకొచ్చింది. ప్రస్తుతం ఈ చిత్రానికి కొనసాగింపుగా వస్తోన్న రెండో భాగం షూటింగ్ బుధవారం ప్రారంభమయింది.
విజయనగరలోని కోదండరామ ఆలయంలో ప్రత్యేక పూజలు నిర్వహించారు. కార్యక్రమంలో హీరో హీరోయిన్తో పాటు దర్శక నిర్మాతలు పాల్గొన్నారు.
తొలి భాగం 200 కోట్లకు పైగా వసూళ్లు సాధించింది. సీక్వెల్‌ను మరింత భారీగా ప్లాన్ చేస్తున్నారు చిత్ర నిర్మాతలు. ఇందులో బాలీవుడ్ నటులు సంజయ్‌ దత్‌, రవీనా టండన్‌లు నటించనున్నట్లు వార్తలు వినిపిస్తున్నాయి.
