కేజీఎఫ్... యశ్ హీరోగా నటించిన కన్నడ సినిమా. ఆ ఒక్క భాషకే పరిమితం కాకుండా ప్రపంచవ్యాప్తంగా ప్రేక్షకుల్నీ ఆకట్టుకుంది. సుమారు రూ.250 కోట్ల మేర వసూళ్లు సాధించింది. ఇప్పుడు ఆ చిత్రానికి కొనసాగింపుగా రెండో భాగాన్ని తీస్తున్నారు. ఇటీవలే షూటింగ్ ప్రారంభమైంది. అభిమానుల్ని ఆశ్చర్యపరుస్తూ చిత్రంలోని ప్రతినాయకుడి పాత్ర 'అధీరా' ప్రీలుక్ను శుక్రవారం విడుదల చేసింది చిత్రబృందం. కేవలం 'సింహపు ఉంగరం'తో ఉన్న పిడికిలిని మాత్రమే చూపించారు. ఈ నెల 29న సినిమా ఫస్ట్లుక్ రిలీజ్ చేయనున్నారు. హోంబలే ఫిల్మ్స్ నిర్మిస్తున్న ఈ చిత్రానికి ప్రశాంత్ నీల్ దర్శకత్వం వహిస్తున్నాడు.
శ్రీనిధి శెట్టి హీరోయిన్గా నటిస్తోంది. యాక్షన్ ఎంటర్టైనర్గా రూపొందుతున్న ఈ సీక్వెల్లో 'అధీరా'గా బాలీవుడ్ నటుడు సంజయ్ దత్ కనిపించనున్నాడని సమాచారం. అతడి పుట్టినరోజు, తొలిరూపు విడుదల చేసేది ఒకరోజు (జులై 29) కావడం దీనికి ప్రధాన కారణమని అభిమానులు చర్చించుకుంటున్నారు.
ఇది చదవండి: భారీ సెట్స్లో 'కేజీఎఫ్2' షూటింగ్!
