రాకింగ్ స్టార్ యష్ హీరోగా నటిస్తున్న 'కేజీఎఫ్ 2' షూటింగ్ ఆగస్టు 26 నుంచి తిరిగి ప్రారంభం కానుంది. బెంగళూరులోని కంఠీరవ స్టూడియోలో దాదాపు 10 రోజుల పాటు జరగనుంది. ఈ షెడ్యూల్తో క్లైమాక్స్ ఫైట్ మినహా మొత్తం సినిమా చిత్రీకరణ పూర్తయినట్లే. ఇందులో ప్రకాశ్రాజ్, మాళవిక తదితరులు పాల్గొనున్నారు.
తొలి భాగం బ్లాక్బస్టర్గా నిలిచిన నేపథ్యంలో సీక్వెల్పై భారీ అంచనాలే ఉన్నాయి. ఇందులో ప్రతినాయకుడు అధీరాగా బాలీవుడ్ స్టార్ సంజయ్ దత్ నటిస్తుండటం విశేషం. ఇటీవలే ఆయన ఫస్ట్లుక్ కూడా విడుదలై అభిమానుల్ని ఆకట్టుకుంటోంది. యష్ సరసన శ్రీనిధి శెట్టి కనిపించనుంది. రవి బస్రూర్ సంగీత దర్శకుడు. ప్రశాంత్ నీల్ దర్శకత్వం వహిస్తున్నారు.
