చాలా ఏళ్లుగా రొమాంటిక్ సినిమాలనే రూపొందిస్తున్న బాలీవుడ్ నిర్మాత కరణ్ జోహార్ మనసు మారింది. హారర్ సినిమాపై దృష్టి సారించాడు. త్వరలో ఆ జానర్లో ఓ చిత్రాన్ని నిర్మిస్తున్నానంటూ ప్రకటించాడు. తన నేతృత్వంలోని ధర్మా ప్రొడక్షన్స్ భయపెట్టేందుకు సిద్ధమైందని చెప్పాడు. ఈ నెల 10వ తేదీన సినిమాకు సంబంధించిన మరిన్ని వివరాలు వెల్లడిస్తానని ప్రకటించాడు. ఈ చిత్రాన్ని నవంబర్ 15న విడుదల చేస్తామని చెప్పేశాడు.
ధర్మా ప్రొడక్షన్స్ తాజాగా నిర్మించిన స్టూడెంట్ ఆఫ్ ద ఇయర్-2 ప్రస్తుతం థియేటర్లలో సందడి చేస్తోంది. 2012లో విడుదలై బాలీవుడ్ తెరకు ఆలియాభట్, వరుణ్ ధావన్, సిద్ధార్థ్ మల్హోత్రాలను పరిచయం చేసిన స్టూడెంట్ ఆఫ్ ద ఇయర్ చిత్రానికి సీక్వెల్ అది.
నెట్ ఫ్లిక్స్ వేదికగా ప్రసారం కాబోయే 'వాట్ విత్ లవ్? విత్ కరణ్ జోహార్' అనే డేటింట్ షోకు కూడా కరణ్ వ్యాఖ్యాతగా వ్యవహరించనున్నాడు.
ఇదీ చూడండి : అమితాబ్, ఆయుష్మాన్ సినిమా వాయిదా
