బెల్లకొండ సాయి శ్రీనివాస్‌ సోదరుడు.. గణేశ్(bellamkonda ganesh) నటుడిగా తెలుగు ప్రేక్షకుల్ని త్వరలోనే పలకరించనున్నారు. ఆయన నటిస్తున్న రెండు చిత్రాలు ప్రస్తుతం తుది దశ చిత్రీకరణలో ఉన్నాయి. అవి పూర్తవకముందే మరో చిత్రాన్ని ఖరారు చేశారాయన. ఆ సినిమా సోమవారం పూజా కార్యక్రమాలతో లాంఛనంగా ప్రారంభమైంది. ముహూర్తపు సన్నివేశానికి ప్రముఖ నిర్మాత దిల్ రాజు క్లాప్ కొట్టారు. నటుడు అల్లరి నరేశ్ కెమెరా స్విచ్ఛాన్‌ చేశారు.
'నాంది' చిత్రంతో మంచి విజయాన్ని అందుకున్న ఎస్‌.వి. 2 ఎంటర్‌టైన్‌మెంట్‌ ఈ సినిమాని నిర్మిస్తోంది. రాకేశ్‌ ఉప్పలపాటి దర్శకుడు. మహతి స్వర సాగర్‌ సంగీతం అందిస్తున్నారు. టైటిల్‌, ఇతర తారాగణం, సాంకేతిక బృంద వివరాలు మరికొన్ని రోజుల్లో ప్రకటించనున్నారు. 'థ్రిల్లర్ నేపథ్యంలో సాగే కథ ఇది. రెగ్యులర్‌ చిత్రీకరణ త్వరలోనే ప్రారంభం కానుంది' అని చిత్రబృందం తెలియజేసింది.
తలైవి ఎప్పుడంటే?
కాగా, బాలీవుడ్‌ నటి కంగనా రనౌత్(Kangana Ranaut) ప్రధాన పాత్రలో రూపొందుతోన్న చిత్రం 'తలైవి'(Thalaivi) విడుదల తేదీని ప్రకటించింది చిత్రబృందం. సెప్టెంబరు 10న ఈ చిత్రం విడుదలకానుంది. నటి, తమిళనాడు మాజీ ముఖ్యమంత్రి దివంగత జయలలిత జీవితాధారంగా పాన్‌ ఇండియా స్థాయిలో దర్శకుడు ఎ.ఎల్‌. విజయ్‌ తెరకెక్కిస్తున్నారు. ఈ సినిమాలో అరవింద స్వామి, ప్రకాశ్ రాజ్‌, పూర్ణ, మధుబాల తదితరులు కీలక పాత్రల్లో కనిపించనున్నారు. విష్ణు ఇందూరి, శైలేష్‌ ఆర్‌ సింగ్‌, బ్రిందా ప్రసాద్‌ సంయుక్తంగా నిర్మించారు. ఈ చిత్రానికి సంగీతం: జీవీ ప్రకాశ్, ఛాయాగ్రహణం: విశాల్‌ విఠల్‌.
ఇదీ చూడండి: తాలిబన్ల ఆకృత్యాలకు ప్రతిరూపమే 'ది కైట్ రన్నర్'
