వెండితెరపై అడుగుపెట్టి దశాబ్దం దాటుతున్నా.. కొత్తగా వస్తోన్న కుర్ర హీరోయిన్లతో పోటీపడుతోంది కాజల్ అగర్వాల్. దక్షిణాది, ఉత్తరాదిలో కలిపి ఇప్పటికే 50కి పైగా చిత్రాల్లో నటించింది. తెరపై అందచందాలను ఎంతో చక్కగా ఒలికించే ఈ ముద్దుగుమ్మ.. పలు చిత్రాల్లో లిప్లాక్ సన్నివేశాలతోనూ ప్రేక్షకుల్ని మురిపించింది. అయితే సూర్యతో నటించిన 'బ్రదర్స్'లో ఇలాంటి సీన్ గురించి ఓ ఆసక్తికర నిజాన్ని వెల్లడించిందీ భామ.
"వాస్తవానికి ఆ సీన్ చేసే సమయానికి సూర్యకు, నాకు అలా ముద్దు పెట్టుకోవాలని లేదు. ముఖ్యంగా సూర్య చాలా ఇబ్బందిగా ఫీల్‌ అయ్యారు. సినిమాలో ఆ సన్నివేశం చాలా ముఖ్యమైనది. అందుకే దర్శకుడు ఆనంద్‌.. మా ఇద్దరి మధ్య ఓ గమ్మత్తైన పద్ధతిలో ఆ సీన్ను తెరకెక్కించారు. బ్లూమ్యాట్‌ ముందు సూర్యను కుర్చీలో కూర్చోపెట్టి పక్కకు తిరిగి ఓ గ్లాస్‌పై ముద్దుపెట్టించి చిత్రీకరించారు. తర్వాత బ్లూమ్యాట్‌తో తయారు చేసిన ఓ బొమ్మకు నాతో ముద్దు పెట్టించారు. ఈ రెండు సీన్లను గ్రాఫిక్స్‌లో ఒక్కటి చేసి లిప్‌లాక్‌లా చూపించారు. థియేటర్లో ఆ సన్నివేశం చూసిన ప్రతిఒక్కరూ అది గ్రాఫిక్స్‌ అని చెప్తే నమ్మలేరు. అంత సహజంగా వాటిని తెరపై ఆవిష్కరించారు" -కాజల్, హీరోయిన్
బ్రదర్స్ సినిమాలో సూర్య ద్విపాత్రాభినయం చేశాడు. తెలుగు, తమిళంలో విడుదలైనా ప్రేక్షకుల ఆదరణ దక్కించుకోలేకపోయింది.
- " class="align-text-top noRightClick twitterSection" data="">
