కరోనా దెబ్బకు కుదేలైన చిత్రసీమ కార్మికులను ఆదుకునేందుకు కథానాయిక కాజల్ అగర్వాల్ ముందుకొచ్చింది. సినీ కార్మికుల సంక్షేమం కోసం చిరంజీవి ఆధ్వర్యంలో ఏర్పాటు చేసిన 'కరోనా క్రైసిస్ ఛారిటీ' (సిసిసి)కి రూ.2లక్షలు విరాళం అందిస్తున్నట్లు గురువారం ఓ ప్రకటన ద్వారా తెలియజేసింది.
ప్రస్తుతం కాజల్ తాను నివాసం ఉంటోన్న ముంబయిలోనూ పలు దాతృత్వ కార్యక్రమాలు చేస్తోంది. ఇటీవలే ధారావిలోని నాలుగు వందల కుటుంబాలకు పది రోజులకు సరిపడా నిత్యావసరాలు అందించింది.
ప్రస్తుతం ఈ భామ మంచు విష్ణుతో 'మోసగాళ్లు', కమల్‌హాసన్‌తో 'భారతీయుడు 2' చిత్రాల్లో నటిస్తోంది. త్వరలో చిరంజీవి సరసన 'ఆచార్య'లో సందడి చేయనుంది
