రెండు దశాబ్దాల తర్వాత 'భారతీయుడు' చిత్రానికి సీక్వెల్‌ రాబోతున్న విషయం తెలిసిందే. మళ్లీ కమల్ హాసన్‌తోనే 'భారతీయుడు 2' టైటిల్‌తో రూపొందిస్తున్నాడు దర్శకుడు శంకర్. తాజాగా ఈ చిత్రంలో నటిస్తున్న కాజల్ పాత్రపై ఆసక్తికర వార్త బయటకు వచ్చింది. ఇప్పటి వరకు కాజల్.. కమల్ సరసన వృద్ధురాలి పాత్రలో నటిస్తుందకున్నారంతా. కానీ, కాజల్.. కమల్‌కు విలన్గా కనిపించనుందని కోలీవుడ్‌ సమాచారం.
ఆమెది ఇందులో ప్రతినాయక ఛాయలున్న కీలక పాత్రని తెలుస్తోంది. మరి ఇది నిజమో కాదో తెలియాలంటే కొన్ని రోజులు వేచి చూడాల్సిందే. రకుల్‌ ప్రీత్‌ సింగ్, ఐశ్వర్య రాజష్, సిద్దార్ధ్‌ తదితర నటీనటులు ఈ చిత్రంలో కనిపించనున్నారు. సమాజంలో జరుగుతున్న అన్యాయాన్ని ప్రశ్నించే వ్యక్తి కథాంశంతో వచ్చిన ఈ చిత్రం అప్పట్లో సంచలనం సృష్టించింది. ఈ కారణంగా ప్రస్తుతం రానున్న ఈ సీక్వెల్‌పై భారీ అంచనాలు నెలకొన్నాయి.
ఇదీ చదవండి: హీరోయిన్ రష్మిక ఇంట్లో ఐటీ సోదాలు సాగాయిలా..
