prabhas nag ashwin movie music director: స్టార్ హీరో ప్రభాస్ నటిస్తున్న సినిమాల్లో 'ప్రాజెక్ట్ K'(వర్కింగ్ టైటిల్) ఒకటి. ఇప్పుడీ చిత్రం గురించి ఓ వార్త నెట్టింట్లో ప్రచారం సాగుతోంది. ఈ మూవీకి ముందుగా మిక్కీ జె మేయర్ను సంగీత దర్శకుడిగా తీసుకున్నారు. దీనికి సంబంధించిన అధికార ప్రకటన కూడా వచ్చింది. అయితే ఇప్పుడు ఓ కోలీవుడ్ మ్యూజిక్ డైరెక్టర్ను తీసుకున్నట్లు వార్తలు వస్తున్నాయి(prabhas nag ashwin movie update). తమిళంలో 'కబాలి', 'కాలా', 'జిగర్తాండ' సహా పలు సినిమాలకు సంగీతం అందించిన సంతోష్ నారాయణ్ను ఎంపిక చేసినట్లు తెలుస్తోంది.
మరి మిక్కీని తప్పించి సంతోష్ను తీసుకున్నారా? లేదా వీరిద్దరూ కలిసి ఈ సినిమా కోసం పనిచేయనున్నారా? అనేది స్పష్టత లేదు. దీనిపై క్లారిటీ రావాలంటే అధికార ప్రకటన వచ్చే వరకు వేచి ఉండాల్సిందే.
ఈ మూవీకి నాగ్ అశ్విన్ దర్శకుడు. సైన్స్ ఫిక్షన్ నేపథ్యంలో తెరకెక్కుతున్న ఈ సినిమా షూటింగ్ను కొంత కాలం క్రితం ప్రారంభించి అమితాబ్ బచ్చన్పై(prabhas and amitabh bachchan movie) కీలక సన్నివేశాల్ని చిత్రీకరించారు. ప్రభాస్ త్వరలోనే సెట్స్లోకి అడుగుపెట్టనున్నారు. డార్లింగ్కు జోడీగా దీపికా పదుకొణె నటించనుంది.
ఇదీ చూడండి: Radheshyam story: ప్రభాస్ 'రాధేశ్యామ్' కథ లీక్!
