టాలీవుడ్ హీరో ప్రభాస్ ఒక్క సినిమాతో అంతర్జాతీయంగా క్రేజ్ సంపాదించుకున్నాడు. అతడు నటించిన బాహుబలి సిరీస్కు జపాన్లో విశేషమైన ఆదరణ లభించింది. ఆ విజయోత్సవాన్ని పంచుకునేందుకు ఆ దేశానికి వెళ్లి అక్కడి అభిమానులతో సందడి చేసింది రాజమౌళి యూనిట్. తాజాగా జపాన్‌కు చెందిన కొంత మంది యువతులు ప్రభాస్ను కలిసేందుకు హైదరాబాద్‌లోని ఆయన ఇంటికి వెళ్లారు. అక్కడ ఇంటి గేటు ముందు ఫొటోకు ఫోజిచ్చారు. ఈ ఫొటో ప్రస్తుతం సోషల్‌మీడియాలో చక్కర్లు కొడుతోంది.
ప్రభాస్ ప్రస్తుతం 'సాహో' సినిమాలో నటిస్తున్నాడు. సుజీత్‌ దర్శకుడు. బాలీవుడ్‌ నటి శ్రద్ధా కపూర్‌ కథానాయిక. దాదాపు రూ.300 కోట్ల బడ్జెట్‌తో యూవీ క్రియేషన్స్‌ సంస్థ ఈ సినిమా నిర్మిస్తోంది. వెన్నెల కిశోర్‌, మురళీ శర్మ, జాకీ ష్రాఫ్‌, అరుణ్‌ విజయ్‌, మందిరా బేడీ, చుంకీ పాండే తదితరులు కీలక పాత్రలు పోషిస్తున్నారు. తెలుగు, హిందీ, తమిళ భాషల్లో ఆగస్టు 15న ఈ చిత్రం విడుదల కాబోతోంది.
