1999 కార్గిల్ యుద్ధంలో ఎంతో ధైర్యసాహసాలు ప్రదర్శించి, యుద్ధ ప్రాంతంలోకి వెళ్లిన భారత మొదటి మహిళా వాయుసేన అధికారిగా చరిత్ర సృష్టించారు గుంజన్ సక్సేనా. ఆమె జీవితం ఆధారంగా రూపొందుతున్న చిత్రం 'గుంజన్ సక్సేనా-ద కార్గిల్ గర్ల్'. ప్రముఖ బాలీవుడ్ హీరోయిన్ జాన్వీ కపూర్ ప్రధాన పాత్రలో కనిపించనుంది. ఈ సినిమా ఫస్ట్ లుక్ను గురువారం విడుదల చేశారు. వచ్చే ఏడాది మార్చి13న ప్రేక్షకుల ముందుకు రానుందీ చిత్రం.
"పురుషుల ప్రపంచంలో మహిళా ఉనికిని చాటిన గొప్ప మహిళ గుంజన్ సక్సేనా" - ట్విట్టర్లో కరణ్ జోహార్
ఈ సినిమాలో పంకజ్ త్రిపాఠి, వినీత్ సింగ్, అంగద్ బేడి, మానవ్ విజ్ ఇతర పాత్రల్లో నటిస్తున్నారు. శరణ్ శర్మ దర్శకత్వం వహిస్తున్నాడు. జీ స్టూడియోస్, ధర్మ ప్రొడక్షన్స్ సంయుక్తంగా నిర్మిస్తున్నాయి.
ఇదీ చూడండి: దిశా.. నిన్ను చూస్తే ఎక్కుతుంది నిషా..!
