హీరో అల్లు అర్జున్ వరుస సినిమాలతో బిజీగా ఉన్నారు. త్వరలోనే 'పుష్ప'తో ప్రేక్షకుల ముందుకు రానున్న బన్నీ.. ఆ తర్వాత కొరటాల శివ దర్శకత్వంలో ఓ సినిమా చేయనున్నారు.
అయితే ఆ తర్వాత చిత్రం ఎవరితో ఉంటుందా అని ఇప్పటినుంచే అభిమానుల్లో చర్చలు మొదలయ్యాయి. ఈ క్రమంలోనే ఆయన తర్వాతి సినిమా అనిల్ రావిపూడి దర్శకత్వంలో ఉండనుందని సినీవర్గాల్లో ప్రచారం సాగుతోంది.
యాక్షన్ ఫ్యామిలీ ఎంటర్టైనర్గా ఈ సినిమా రూపొందనుందని తెలుస్తోంది. అనిల్ రావిపూడి స్టోరీ లైన్ వినిపించగా బన్నీకి నచ్చేసిందట. దీంతో అనిల్ స్క్రిప్ట్ను పూర్తి చేసే పనిలో నిమగ్నులయ్యారని సమాచారం. ఈ చిత్రంపై త్వరలోనే అధికార ప్రకటన వచ్చే అవకాశముంది.
ఇదీ చూడండి: బన్నీతో ప్రశాంత్ నీల్ భేటీ- ఆ సినిమా కోసమే!
