ఇన్స్టాగ్రామ్ బ్యూటీ కేతిక శర్మ.. టాలీవుడ్కు 'రొమాంటిక్' సినిమాతో హీరోయిన్గా పరిచయమవుతోంది. పూరీ జగన్నాథ్ కథనందిస్తుండగా, అతడి కుమారుడు ఆకాశ్ హీరోగా నటిస్తున్నాడు. వేసవిలో ప్రేక్షకుల ముందుకు రానుంది. అయితే తొలి చిత్రం ఇంకా థియేటర్లలోకి రాకముందే మరో క్రేజీ ప్రాజెక్టులో అవకాశం కొట్టేసిందని టాక్.
దర్శకుడు సుకుమార్, శరత్ మరార్ సంయుక్తంగా నిర్మిస్తున్న సినిమాలో నాగశౌర్య హీరోగా నటించనున్నాడు. సుక్కూ శిష్యుడు కాశీ విశాల్ దర్శకుడిగా పరిచయమవుతున్నాడు. ఇందులో నటించేందుకు కేతికను ఎంపిక చేసుకున్నారట. ఈ విషయంపై అధికార ప్రకటన వచ్చే వరకు ఆగాల్సిందే.
ఇదీ చూడండి.. కరోనా కాదు కదా ఏమొచ్చినా నా పెళ్లి ఆగదు: నిఖిల్
