Allu arjun shreyas talpade: 'పుష్ప'.. ఈ సినిమా గురించి రిలీజ్కు ముందు వరకు హిందీ ఆడియెన్స్కు పెద్దగా తెలియదు. కానీ ఇప్పుడు మాత్రం ఈ చిత్రం సెన్సేషన్గా మారింది. ఎలాంటి పబ్లిసిటీ లేకుండానే రూ.100 కోట్ల వసూళ్ల సాధించి, సినీ విశ్లేషకుల్ని సైతం ఆశ్చర్యపరిచింది.
అయితే హిందీలో అల్లు అర్జున్కు డబ్బింగ్ చెప్పిన శ్రేయస్ తల్పడే కూడా ఆనందంతో ఉబ్బితబ్బిబ్బి అవుతున్నాడు. ఈ క్రమంలో అల్లు అర్జున్ను కలిసే ఛాన్స్ వస్తే ఏం చేస్తారంటూ అడగ్గా, ఆసక్తికర సమాధానమిచ్చాడు శ్రేయస్.
"బన్నీకి చాలాపెద్ద హగ్ ఇచ్చి, కిస్ చేస్తాను. 'పుష్ప'కు డబ్బింగ్ చెప్పే అవకాశమిచ్చినందుకు థాంక్స్ చెప్తాను" అని శ్రేయస్ తల్పడే చెప్పాడు.
ఓటీటీలో 'పుష్ప' రిలీజైనప్పటికీ, నార్త్ ఆడియెన్స్ మాత్రం థియేటర్లలోకి వెళ్లి మరీ చూస్తున్నారు. దీనిబట్టి 'పుష్ప' క్రేజ్ అర్థం చేసుకోవచ్చు.
ఇవీ చదవండి:
