కరోనా మహమ్మారి అడ్డురాకుంటే.. తన ప్రేయసి ఆలియా భట్ను ఎప్పుడో పెళ్లి చేసుకునే వాడినని తెలిపాడు బాలీవుడ్ స్టార్ రణ్బీర్ కపూర్. ఆలియాతో పోల్చుకుంటే తాను చాలా తక్కువ సాధించానని చెప్పాడు. ఇటీవల ఓ ఇంటర్వ్యూకు హాజరైన రణ్బీర్ ఈ విషయాలు వెల్లడించాడు.
"నా ప్రేయసి ఆలియా నాకంటే చాలా ఎక్కువ సాధించింది. లాక్ డౌన్లో నేనేం నేర్చుకోలేదు. కానీ, ఆలియా మాత్రం గిటార్, స్క్రీన్ రైటింగ్ వంటివి ఆన్లైన్లో నేర్చుకుంది. లాక్డౌన్ మొదట్లో మా కుటుంబంలో కొన్ని సమస్యలు ఉండేవి. ఆ తర్వాత నేను పుస్తకాలు చదివా. నా కుటుంబంతో గడిపా. ప్రతిరోజూ రెండు మూడు సినిమాలు చూశా. ఆలియాను, నన్ను మహమ్మారి దూరం చేసేసింది. లేదంటే.. ఎప్పుడో మేమిద్దరం ఏడడుగులు వేసే వాళ్లం. త్వరలోనే మా పెళ్లికబురు వినిపిస్తాం."
-రణ్బీర్ కపూర్, బాలీవుడ్ నటుడు.
మెదటిసారిగా వీరిద్దరూ 'బ్రహ్మాస్త్ర' చిత్రంలో కలిసి నటిస్తున్నారు. అయాన్ ముఖర్జీ తెరకెక్కిస్తున్న ఈ సినిమాలో బాలీవుడ్ మెగాస్టార్ అమితాబ్ బచ్చన్, కింగ్ నాగార్జున, డింపుల్ కపాడియా కీలక పాత్రలు పోషిస్తున్నారు.
ఇదీ చూడండి:'ఆ సమయంలో నన్ను రణ్బీర్ ఆదుకున్నాడు'
