Amirkhan daughter ira: చిత్రసీమ అంటేనే వారసత్వానికి చిరునామా. ఒకరు స్టార్‌గా నిలదొక్కుకుంటే చాలు.. వారి ఇంటి నుంచి వారసులు చాలా మంది తెరపైకి వస్తుంటారు. చివరకు ప్రతిభ ఆధారంగా సినీ రంగంలో తమ స్థానాన్ని సుస్థిరం చేసుకుంటారు. ఆ విధంగానే బాలీవుడ్ స్టార్ హీరో అమీర్ఖాన్ కుమార్తె ఐరా ఖాన్ కూడా హీరోయిన్గా ఎంట్రీ ఇవ్వనుందని కొద్ది రోజులుగా బాలీవుడ్లో జోరుగా ప్రచారం జరుగుతోంది. ఈ నేపథ్యంలో ఐరా స్పందించింది.
ఇటీవలే ఐరా తన అభిమానులతో ఇన్స్టాగ్రామ్ లైవ్చాట్లో ముచ్చటించింది. మానసిక ఆరోగ్య సమస్యలపై పలువురు అడిగిన ప్రశ్నలకు సమాధానమిచ్చింది. ఈ క్రమంలో ఓ సోషల్ మీడియా యూజర్.. నటిగా ఎప్పుడు ఎంట్రీ ఇవ్వనున్నారని అడిగారు. అందుకు సమాధానంగా ఐరా 'నేను నటిగా ఎంట్రీ ఇవ్వను' అని చెప్పింది.
అయితే ఐరా నటిగా కాకపోయినా దర్శకురాలిగా రాణించే అవకాశం ఉందని తెలుస్తోంది. ఇప్పటికే భారత క్రికెట్ ఆటగాడు యువరాజ్ సింగ్ భార్య హజీల్ కీచ్ నటించిన 'మేదియా' చిత్రానికి దర్శకత్వం వహించింది.
మరోవైపు ఆమీర్ పెద్ద కుమారుడు జునైద్ ఖాన్.. యశ్ రాజ్ ఫిల్మ్స్ తెరకెక్కిస్తున్న 'మహారాజా' సినిమాతో హీరోగా పరిచయం కాబోతున్నాడు. అమీర్ఖాన్ నటించిన తాజా చిత్రం లాల్ సింగ్ చద్దా ఏప్రిల్ 14న విడుదల కానుంది.
కాగా, ఐరా ఖాన్ ప్రేమలో పడినట్లు బాలీవుడ్లో ప్రచారం జరుగుతోంది. ప్రముఖ ఫిట్నెస్ ట్రైనర్ నుపూర్ షీఖరేతో ఐరా డేటింగ్లో ఉన్నట్లు పలు ఆంగ్ల పత్రికల్లో వార్తలు కూడా వస్తున్నాయి.
ఇదీ చదవండి: హాట్కేకుల్లా అమ్ముడుపోతున్న 'రాధేశ్యామ్', 'ఆర్ఆర్ఆర్' టికెట్లు
