హృతిక్ రోషన్, టైగర్ ష్రాఫ్ నటిస్తోన్న మల్టీస్టారర్ చిత్రం 'వార్'. దసరా కానుకగా అక్టోబర్ 2న ఈ సినిమా విడుదల కానుంది. తెలుగు ప్రేక్షకులనూ అలరించేందుకు సిద్ధమౌతోన్న ఈ చిత్రం నుంచి ఓ రొమాంటిక్ సాంగ్ను బుధవారం విడుదల చేసింది చిత్రబృందం. 'గుండెలో తూట్లు పడే' అనే టైటిల్తో సాగుతున్న పాటలో వాణీకపూర్ ఫుల్ గ్లామరస్గా కనిపించింది.
హృతిక్, టైగర్ మధ్య వచ్చే భారీ పోరాట సన్నివేశాలు, ఉత్కంఠ రేకెత్తించే కార్‌ ఛేజింగ్ల కోసం దాదాపు 100 కోట్లు ఖర్చుచేసినట్లు సమాచారం. బ్యాంగ్‌ బ్యాంగ్‌ సినిమా ఫేమ్ సిద్ధార్థ్‌ ఆనంద్‌ ఈ సినిమాకు దర్శకుడు. ప్రముఖ నిర్మాణ సంస్థ యష్‌రాజ్‌ ఫిలింస్‌ నిర్మిస్తోంది. హిందీ సహా తెలుగు, తమిళ భాషల్లో ప్రేక్షకుల ముందుకు రానుందీ సినిమా.
- " class="align-text-top noRightClick twitterSection" data="">
మరో ప్రాజెక్టు...
తెలుగులో మరో ప్రతిష్టాత్మక చిత్రంలో హృతిక్ సందడి చేయనున్నట్లు సమాచారం. అల్లు అరవింద్, నమిత్‌ మల్హోత్రా, మధు మంతెన సంయుక్తంగా నిర్మిస్తోన్న భారీ బడ్జెట్ చిత్రం 'రామాయణం'లో... ఇతడు ప్రధాన పాత్రలో కనిపించనున్నాడట. దంగల్‌ ఫేమ్ నితిష్‌ తివారి, మామ్‌ ఫేమ్ రవి ఉద్యావర్‌ కలిసి సినిమా తెరకెక్కించనున్నారు. ఇందులో రామయణ ఇతిహాసాన్ని పూర్తి 3డీలో చూపించబోతోంది చిత్రబృందం. దాదాపు రూ.500 కోట్ల బడ్జెట్‌తో తెలుగు, తమిళ, హిందీ భాషల్లో ఏకకాలంలో 3 భాగాలుగా దీన్ని రూపొందించనున్నారు. ఈ సినిమాలోని సీత పాత్ర కోసం నయనతారను తీసుకోబోతున్నట్లు వార్తలు వినిపిస్తున్నాయి.
ఇదీ చూడండి...హిందీ ప్రేక్షకులు సాహో.. 100 కోట్లతో జయహో!
