*హృతిక్ రోషన్-దీపికా పదుకొణె జంటగా నటించేందుకు సిద్ధమయ్యారు. 'ఫైటర్' టైటిల్తో ఈ మూవీ ఫ్రాంచైజీని గురువారం ప్రకటన చేశారు. హృతిక్తో ఇప్పటికే 'వార్' తీసిన సిద్ధార్థ్ ఆనంద్ ఈ సినిమాకు దర్శకత్వం వహిస్తున్నారు. మన త్రివిద దళాలకు సెల్యూట్ చేసేలా ఈ చిత్రాన్ని తీర్చిదిద్దనున్నట్లు చిత్రబృందం వెల్లడించింది. ప్రపంచంలోని పలు దేశాల్లో షూటింగ్ జరగనుంది. వచ్చే ఏడాది థియేటర్లలో సినిమా విడుదల చేయనున్నారు.
*ఆర్య హీరోగా నటిస్తున్న 'సార్పట్ట'.. నేరుగా ఓటీటీలో విడుదల కానుంది. బాక్సింగ్ ఆట నేపథ్యంలో పీరియాడికల్ డ్రామాగా దీనిని తెరకెక్కించారు. 'కబాలి', 'కాలా' ఫేమ్ పా.రంజిత్ దర్శకత్వం వహిస్తున్నారు. జులై 22 నుంచి అమెజాన్ ప్రైమ్లో ఈ సినిమా అందుబాటులో ఉండనుంది.
*'ఫాస్ట్ అండ్ ఫ్యూరియస్ 9' మన దేశంలో విడుదలకు సిద్ధమైంది. ఆగస్టు 5 నుంచి థియేటర్లలోని ప్రేక్షకుల్ని పలకరించనుంది. తెలుగు, తమిళ, కన్నడ, హిందీ, ఇంగ్లీష్ భాషల్లో దీనిని రిలీజ్ చేయనున్నట్లు గురువారం ప్రకటించారు.
- " class="align-text-top noRightClick twitterSection" data="">
*'జబర్దస్త్' కమెడియన్ శ్రీధర్ దర్శకుడిగా మారి ఓ సినిమా తీస్తున్నారు. ఇటీవల లాంఛనంగా ప్రారంభమైంది. ఇప్పుడు ఈ చిత్రానికి మణిశర్మను సంగీత దర్శకుడిగా ఎంపిక చేశారు. ఈ విషయాన్ని గురువారం అధికారికంగా ప్రకటించడం సహా పోస్టర్ను విడుదల చేశారు.
ఇది చదవండి: 'పుష్ప' సెట్లో అనసూయ.. థియేటర్లలోనే 'గల్లీరౌడీ'
