పోకిరి.. తెలుగు సినిమాలో సరికొత్త రికార్డులను సృష్టించిన చిత్రం. ఈ సినిమాతోనే ఇలియానా స్టార్హీరోయిన్గా గుర్తింపు తెచ్చుకుంది. ముఖ్యంగా ఇందులో శృతి డైలాగ్కు ప్రేక్షకులు ఫిదా అయిపోయారు. పాత్రలో అంతగా ఒదిగిపోయింది ఇల్లీ బేబీ. అయితే ముందు ఈ చిత్రంలో హీరోయిన్ ఇలియానా కాదంట.. ఆయేషా టాకియాను తీసుకోవాలనుకున్నాడట పూరీ.
సూపర్ చిత్రంతో తెలుగు తెరకు పరిచయమైన ఆయేషా టాకియాకు పోకిరి ఆఫర్ వచ్చిందట. కొన్ని కారణాల వల్ల ఆమె ఈ సినిమాకు ఒప్పుకోలేదట. అప్పటికే దేవదాసు చిత్రంతో మంచి విజయాన్ని అందుకున్న ఇలియానాను మహేశ్ సరసన నటించేందుకు ఎంపిక చేశాడట పూరీ. ఆ విధంగా ఆయేషా వదులుకున్న సినిమాతో గోవా బ్యూటీ స్టార్ హీరోయిన్గా మారిపోయింది.
అయితే బాలీవుడ్లో పోకిరి రీమేక్గా తెరకెక్కిన 'వాంటెడ్'లో హీరోయిన్గా నటించింది ఆయేషా. ఇందులో సల్మాన్ ఖాన్ సరసన జాన్వీ పాత్రలో నటించి మెప్పించింది. తెలుగులో ఆ సినిమా వదులుకున్న ఆమెకు హిందీలో అదే పాత్ర దక్కడం విశేషం.
- " class="align-text-top noRightClick twitterSection" data="">
