తమిళ హీరో శింబు తన కొత్త సినిమా 'ఈశ్వరన్' సిబ్బందికి పెద్ద సర్ప్రైజ్ ఇచ్చాడు. దీపావళి బహుమతి కింద ఈ సినిమాలో పనిచేసిన వారందరికీ ఒక గ్రాము బంగారు నాణెం, కొత్త బట్టలను బహుమతిగా అందించాడు. అయితే.. కోలీవుడ్లో ఈ సంప్రదాయం.. ప్రముఖ నటుడు శివాజీ గణేశన్తో ప్రారంభమైంది. ఆ తర్వాత రజినీకాంత్, విజయ్ వంటి హీరోలు కొనసాగిస్తూ వచ్చారు. తాజాగా శింబు.. వాళ్ల సరసన చేరిపోయాడు.
ఈశ్వరన్ చిత్రంలో నటించిన 200 మంది జూనియర్ ఆర్టిస్ట్లకు కూడా శింబు కొత్త బట్టలు అందజేసి, సంతోషంలో ముంచెత్తాడు. షూటింగ్ చివరి రోజు ఈ కానుకలను వారికి పంపిణీ చేశాడు. గ్రామీణ నేపథ్యంలో తెరకెక్కుతున్న ఈశ్వరన్ సినిమాను తెలుగు, తమిళ భాషల్లో రూపొందిస్తున్నారు. రానున్న సంక్రాంతికి ప్రేక్షకుల ముందుకు తెచ్చేందుకు సన్నాహాలు చేస్తున్నారు. తెలుగులో ఈశ్వరుడు పేరుతో విడుదల కానుంది.
ఇదీ చూడండి:మూడేళ్ల తర్వాత హీరో శింబు ఎంట్రీ
