భాగ్యనగరంలో ట్రాఫిక్ విపరీతంగా పెరిగిపోతోంది. వర్షం పడిందంటే ట్రాఫిక్ ఇబ్బందులు అంతా ఇంతా కాదు.. రోడ్ల మీద వాహనాలు గంటల కొద్దీ ఉండాల్సిన దుస్థితి. సామాన్యులకే కాదు సెలబ్రిటీలకు ఈ కష్టాలు తప్పట్లేదు. శుక్రవారం హీరో నితిన్ ఇలాంటి పరిస్థితే ఎదుర్కొన్నాడు.
షూటింగ్ ముగించుకుని వెళుతున్న హీరో నితిన్.. నగరంలో కురిసిన భారీ వర్షం కారణంగా ట్రాఫిక్లో ఇరుక్కున్నాడు. తొందరగా వెళ్లేందుకు మెట్రోను ఆశ్రయించాడు. అతడితో సెల్ఫీలు దిగేందుకు కొందరు అభిమానులు ఎగబడ్డారు. మెట్రో ప్రయాణం కొత్త అనుభవమని, బాగా ఎంజాయ్ చేశానంటూ ట్వీట్ చేశాడు. వెంకీ కుడుమల దర్శకత్వంలో ప్రస్తుతం 'భీష్మ' సినిమాలో నటిస్తున్నాడీ కథానాయకుడు. ఈ చిత్రంలో రష్మిక హీరోయిన్.
ఇది చదవండి: 'భీష్మ'కు కొబ్బరికాయ కొట్టిన నితిన్-రష్మిక
