తమిళ సినీప్రియులు ఎంతో ఆసక్తిగా ఎదురుచూస్తున్న సినిమాల్లో 'వాలిమై' ఒకటి. అజిత్ కథానాయకుడిగా నటిస్తున్న చిత్రమిది. హెచ్. వినోద్ దర్శకుడు. బోనీ కపూర్ నిర్మిస్తున్నారు. ఇప్పటికే చిత్రీకరణ పూర్తి చేసుకున్న ఈ సినిమా విడుదలకు సిద్ధంగా ఉంది.
తాజాగా ఈ చిత్రానికి సంబంధించి నటుడు ఆర్.కె. సురేష్ పలు ఆసక్తికర విషయాల్ని ఓ మీడియా ఇంటర్వ్యూలో పంచుకున్నారు. "వాలిమై'లో శక్తిమంతమైన యాక్షన్ సన్నివేశాలున్నాయి. వాటి కోసం అజిత్ కొన్ని అద్భుతమైన స్టంట్స్ చేశారు. అవన్నీ ఈ చిత్రానికి ప్రధాన ఆకర్షణగా నిలుస్తాయి. ఈ సినిమా ఆయన కెరీర్లో ఓ మైలురాయి అవుతుంది. ప్రేక్షకుల్ని మళ్లీ థియేటర్లకు తీసుకొచ్చేలా చేస్తుంది" అని ఆ ఇంటర్వ్యూలో సురేష్ వెల్లడించారు.
సురేష్ ఈ చిత్రంలో ఓ కీలక పాత్ర పోషించారు. దీంట్లో తెలుగు యువ కథానాయకుడు కార్తికేయ విలన్గా నటిస్తున్నారు.
ఇదీ చూడండి: ఈ స్టార్స్ కొత్త కబురు వినిపిస్తారా?
ఇదీ చూడండి: ఎంత ఎదిగినా ఒదిగి ఉండే వ్యక్తి 'తలా' అజిత్!
