టీమ్ఇండియా ఆల్రౌండర్ హార్దిక్ పాండ్య ఇటీవలే తండ్రి అయ్యాడు. అప్పటి నుంచి కోహ్లీ-అనుష్క జోడీపై విపరీతంగా మీమ్స్ వస్తున్నాయి. వీరు తల్లిదండ్రులు ఎప్పుడు అవుతారో అంటూ తెగ చర్చించుకుంటున్నారు. ఇదే విషయమై ఓ నెటిజన్, ఇన్స్టా లైవ్లో ఏకంగా అనుష్కనే అడిగేశాడు. ఈ ప్రశ్నకు అదే రీతిలో సమాధానమిచ్చిందీ భామ. విరుష్క దంపతులకు 2017లో వివాహమైంది.
"మీ చుట్టూ ఉన్నవాళ్లు మిమ్మల్ని పిల్లల గురించే అడుతున్నారా?" అన్న నెటిజన్ ప్రశ్నకు, "లేదు, కేవలం సోషల్ మీడియాలోనే దీని గురించి మాట్లాడుకుంటున్నారు" అని అనుష్క సమాధానమిచ్చింది.
"కోహ్లీ నుంచి ఎలాంటి సాయం తీసుకుంటూ ఉంటారు" అని మరో నెటిజన్ అడగ్గా, "బిగుతుగా ఉన్న బాటిల్ మూతలు తీయడానికి, బరువైన కుర్చీలు ఎత్తేందుకు" అని చెప్పింది అనుష్క.
అసోం, బిహార్ రాష్ట్రాల్లో వరదల్లో నష్టపోయిన ప్రజలకు అండగా ఉంటామని కోహ్లీ-అనుష్క ఇటీవలే హామీ ఇచ్చారు. ఎంతో కృషి చేస్తున్న మూడు సంస్థలకు మద్దతుగా ఉంటామని తెలిపారు.
