గ్రామీ అవార్డు గ్రహీత అమెరికన్ ప్రముఖ గాయకుడు చార్లెస్ డేనియల్స్(83) సోమవారం తుదిశ్వాస విడిచారు. శరీరంలో అంతర్గత రక్తస్రావం అవ్వడం వల్ల చికిత్స పొందుతూ మరణించారు. ఈ విషయాన్ని ఆయన ప్రతినిధి స్పష్టం చేశారు.
1970లో కెరీర్ ప్రారంభించిన డేనియల్స్ నిరంతరంగా ఏడాదికి 250 స్టేజీ షోలు చేసిన సందర్భాలు ఉన్నాయి. 1979లో ఆయన పాడిన 'ది డెవిల్ వెంట్ డౌన్ టు జార్జియా' అనే పాటతో స్టార్డమ్ను సంపాదించుకున్నారు.
'లాంగ్ హెయిర్డ్ కంట్రీ బాయ్', 'అన్ఈజీ రైడర్', 'డ్రింకన్ మై బేబీ గుడ్బాయ్', 'స్ట్రోక్స్ థీమ్', 'బ్లూ స్టార్' వంటి హిట్ పాటలు కుర్రకారును ఉర్రూతలూగించాయి. ఆయనకు భార్య, కుమారుడు ఉన్నారు.
సోమవారం రోజున ఆస్కార్ అవార్డు గ్రహీత ఇటాలియన్ ప్రముఖ గాయకుడు ఎన్నియొ కూడా అనారోగ్యంతో మృతి చెందారు.
ఇది చూడండి : ఆస్కార్ అవార్డు గ్రహీత ఎన్నియొ మృతి
