Gopichand pakka commercial: మరో తెలుగు సినిమా రిలీజ్ డేట్ ప్రకటించారు. గోపీచంద్ హీరోగా నటిస్తున్న 'పక్కా కమర్షియల్' చిత్రాన్ని మే 20న థియేటర్లలోకి తీసుకొస్తామని వెల్లడించారు. దానిని చెబుతూ బుధవారం ఓ పోస్టర్ను విడుదల చేశారు. అయితే కరుణ కరుణిస్తేనే అంటూ క్యాప్షన్ పెట్టి, ప్రస్తుత పరిస్థితులపై సైలెంట్గా సెటైర్ వేశారు!
కామెడీ ఎంటర్టైనర్గా తెరకెక్కుతున్న ఈ సినిమాలో గోపీచంద్ సరసన రాశీఖన్నా హీరోయిన్గా నటిస్తోంది. మారుతి దర్శకత్వం వహిస్తున్నారు. జేక్స్ బెజోయ్ సంగీతమందిస్తున్నారు. యూవీ క్రియేషన్స్, జీఏ 2 పిక్చర్స్ సంయుక్తంగా నిర్మిస్తున్నాయి.
kathuvakkula rendu kadhal movie: విజయ్ సేతుపతి-నయనతార-సమంత జంటగా నటిస్తున్న 'కాతువక్కుల రెండు కాదల్' రిలీజ్ ఖరారైంది. ఏప్రిల్లో ఈ రొమాంటిక్ ఎంటర్టైనర్ను థియేటర్లలోకి తీసుకురానున్నట్లు వెల్లడించారు. టీజర్ను ఈ నెల 11న రిలీజ్ చేయనున్నట్లు పోస్టర్ విడుదల చేశారు.
ఈ సినిమాకు అనిరుధ్ సంగీతమందిస్తుండగా, విఘ్నేష్ శివన్ దర్శకత్వం వహిస్తున్నారు. ట్రై యాంగిల్ లవ్స్టోరీగా దీనిని తెరకెక్కించారు.
Ilayaraja news: మాస్ట్రో ఇళయరాజా కొత్త ప్రాజెక్టు గురించి ప్రకటన వచ్చింది. ఆయన చేస్తున్న 1422వ ప్రాజెక్టు ఇదేనంటూ ఓ పోస్టర్ రిలీజ్ చేశారు. పూర్తి వివరాలు వాలంటైన్స్ డేన వెల్లడిస్తామని స్పష్టం చేశారు.
DJ Tillu trailer: 'డీజే టిల్లు' ట్రైలర్ వచ్చేసింది. సిద్ధు, నేహా శర్మ హీరోహీరోయిన్లుగా నటించిన ఈ సినిమా సంక్రాంతికే విడుదల కావాల్సినప్పటికీ, కరోనా కారణంగా వాయిదా పడింది. అయితే ఫిబ్రవరి 11న సినిమా రిలీజ్ చేస్తామని ఇటీవల చిత్రబృందం ప్రకటించింది.
- " class="align-text-top noRightClick twitterSection" data="">
ఫుల్ లెంగ్త్ మాస్ ఎంటర్టైనర్గా ఈ సినిమాను తెరకెక్కించినట్లు తెలుస్తోంది. విమల్ కృష్ణ దర్శకత్వం వహించారు. సితార ఎంటర్టైన్మెంట్స్ పతాకంపై నాగవంశీ నిర్మించారు.
'ఆర్టికల్ 15' సినిమాతో ఆకట్టుకున్న ఆయుష్మాన్ ఖురానా-అనుభవ్ సిన్హా కాంబోలో తెరకెక్కుతున్న కొత్త సినిమా 'అనేక్'. ఇప్పుడు ఆ చిత్ర రిలీజ్ డేట్ను ఖరారు చేశారు. మే 11న థియేటర్లలోకి తీసుకొస్తున్నట్లు వెల్లడించారు. మరోవైపు 'ఖిలాడి' నుంచి 'క్యాచ్ మీ' అంటూ సాగే పాటను ఫిబ్రవరి 5న రిలీజ్ చేయనున్నారు. ఫిబ్రవరి 11న ఈ సినిమా థియేటర్లలోకి రానుంది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:
