ప్రముఖ మలయాళ ఫొటోగ్రాఫర్, దర్శకుడు శివన్(89) మరణించారు. గురువారం ఉదయం గుండెపోటుతో ఆస్పత్రిలో చేరిన తర్వాత తుదిశ్వాస విడిచినట్లు కుటుంబసభ్యులు వెల్లడించారు. జాతీయంగా, అంతర్జాతీయంగా మన్ననలు పొందిన తొలి కేరళ ప్రెస్ ఫొటోగ్రాఫర్గా శివన్(Sivan) గుర్తింపు పొందారు.
ఆరు దశాబ్దాల క్రితం స్టిల్ ఫొటోగ్రాఫర్గా తన కెరీర్ను ప్రారంభించిన శివన్.. కొద్ది సంవత్సరాల్లోనే అంతర్జాతీయంగా గుర్తింపు తెచ్చుకున్నారు. 1959లో కేరళలోని త్రివేండ్రంలో శివన్ ఫొటో స్టూడియోను ప్రారంభించారు. కేరళ తొలి క్యాబినేట్ ప్రమాణ స్వీకార ఘట్టాన్ని శివన్.. తన కెమెరాలో బంధించారు.
ఆ తర్వాత ఫొటోగ్రాఫర్ వృత్తిని వదిలి.. సినిమాలకు దర్శకత్వం వహించారు. దర్శకుడిగా 1991లో తొలి చిత్రాన్ని రూపొందించారు శివన్. ఉత్తమ పిల్లల చిత్రంగా జాతీయ పురస్కారం దక్కించుకున్న 'అభయం' అనే సినిమా శివన్ దర్శకత్వంలోనే తెరకెక్కింది. వీటితో పాటు 'యాగం', 'మోహన్గల్', 'కిలివతిల్' వంటి చిత్రాలకు పురస్కారాలను అందుకున్నారు.
శివన్ తీసిన కొన్ని చిత్రాలను నేషనల్ జియోగ్రాఫిక్, స్పాన్, న్యూస్వీక్ వంటి ప్రతిష్ఠాత్మక మ్యాగజైన్లు ప్రచురించాయి. ఇప్పుడాయన మార్గంలోనే తన కుమారుడు సంతోష్ శివన్(Santhosh Sivan) కూడా ఫొటోగ్రాఫర్గా కెరీర్ ప్రారంభించాడు. ఆ తర్వాత ఇప్పటివరకు సంతోష్ కెరీర్లో వెనక్కి తిరిగి చూసుకోలేదు.
ఇదీ చూడండి.. Sonu Sood Supermarket: పది కోడిగుడ్లు కొంటే బ్రెడ్ ప్యాకెట్ ఫ్రీ!
