ఆలియా భట్ ప్రధాన పాత్రలో సంజయ్లీలా భన్సాలీ తెరకెక్కిస్తోన్న చిత్రం 'గంగూబాయ్ కతియావాడి'. ఇందులో వేశ్యగా కనిపించనుందీ భామ. కరోనా కారణంగా మార్చిలో నిలిచిపోయిన షూటింగ్ ఇప్పుడు ప్రారంభమైంది. సెట్లో అడుగుపెట్టిన ఆలియా తన సంతోషాన్ని వ్యక్తం చేసింది.
"సెట్లోకి తిరిగి అడుగుపెట్టడం గొప్పగా ఉంది. కానీ ఈ సమయంలో మేము చాలా జాగ్రత్తగా ఉంటూ నిబంధనలు పాటించాలి. ప్రతి నిమిషం గొప్పదే. ఈ పరిస్థితులను అందరం అంగీకరించాల్సిందే."
-ఆలియా భట్, బాలీవుడ్ నటి
అనుకోని పరిస్థితుల్లో చిన్నవయసులోనే వేశ్యగా మారిన గంగూబాయి తర్వాత క్రమంలో ముంబయి మాఫియా క్వీన్గా ఎదిగిన కథతో ఈ సినిమా రూపొందిస్తున్నారు. త్వరలోనే సినిమా విడుదల తేదీని ప్రకటించనుంది చిత్రబృందం.
